يجزاه بالجنة

أبي أتوجد بالملوك المشاكيل
آل السعود مطوعين الصعايب
منهم أبو تركي افحول الرجاجيل
مسس كيانة فوق شقح الركايب
من قبل أبو تركي بنجد بها ذيل
توخذ حقوق الناس غصب ونهايب
وحد قبايلها بعدل وتساهيل
دستوره القرآن ماهي حزايب
أملوكنا إرجال نجد الحلاحيل
أهل الزعامة والفعول الغلايب
وتوارثوها صفوت الناس من جيل
إخوان نوره بالشدايد مصايب
واليوم دمع العين صبه هماليل
عليك ياصفوت ملوك نجايب
فهد فهد يابعيد المداهيل
ريف الضعيف وريف من قال عايب
يالصيرمي ياقاسي الباس ويهيل
في حل صعبات الأمور الغرايب
فهد رعا النخوة هو وافي الكيل
مرجع بلد جاره بوقت النوايب
ياما عطتك يمناك من دون تقليل
لاجل الوطن أعطيت جزل الوهايب
يا منزل القرآن وكتاب الأنجيل
ويا قابل عبد من الذنب تايب
ترحم أبو فيصل بيوم التهاويل
يوم به المخلوق دمعه سكايب
تجزاه بالجنة بعالي المنازيل
ندعوك يامنزل علينا السحايب
حنا رضينا عنه حنا معاليل
تجبر عزانا ياعظيم الوهايب
وتحفظ ملكنا بالليالي المقابيل
قايد مسيرتنا عطيب الضرايب
نعلن البيعة بصدق وتهاليل
وارواحنا لجل أبو متعب وهايب