قوافي الشعراء تصدح بفرح العيد

العيد فرحة وسعادة وتبادل تهان يشهدها جميع المسلمين في انحاء الارض والعيد يمنحنا دروسا اجتماعية لها منافع عظيمة كونه مناسبة عامة لها فرح اعمق في النفس من الفرح الخاص ففي العيد تدخل الفرحة كل قلب وتطغى على آلامه ولذلك كان العيد تنمية للشعور الاجتماعي في افراد الامة ونجد الجميع يعبر عن شعوره في العيد شعرا كان ام نثرا وفي جانب الشعر نجد الشعراء في العيد يعبرون بأبيات من الشعر تبين مكانة العيد كونه مناسبة دينية تتكرر كل عام يتبادل فيها جميع المسلمين التهاني والتبريكات والبعض منهم يعبر عن فرحته بالعيد بشكل خاص وجميعها تكشف مدى الفرحة بالعيد السعيد الذي يجلب السرور الى النفس البشرية
ومن هؤلاء الشعراء الشاعر محمد بن فطيس الذي قال عن العيد:
العيد مايحتاج له كثرة هدوم
يحتاج له وصل وسلام وموده
عايد (بني عمك) وخصص لهم يوم
وباب الزعل والكره والبغض سده
وزور الذي ما يقدر يصوم ويقوم
(الشايب) اللي هدّه الكبر هدّه
وزور (المريض) اللي جفت عينه النوم
اللي قضى دهره طريح المخده
وقال الشاعر سعد بن ناصر السبيعي
عيدك مبارك ياوسيع البنايد
ياعالي السمعه وياطيب الخال
لعلنا في كل عام نتعايد
على الامن والخير ياطيب الفال
غلاك مايوصف بنظم القصايد
وقدرك بوسط القلب ثابت ولازال
وقال الشاعر حمود بن قاسي الحقي:
حياة الادمي صبر وجلاده
وعلى من كوّنه كل اعتماده
يكافح فالحياه بكل جهده
لجل يحصل على غاية مراده
هذا مطلع قصيده واسمحولي
عسى منها نتايج واستفاده
نمد الشوف وانشاهد من اعلى
وعيد الله تفرح به عباده
لبو متعب نزف اغلا التهاني
وللشعب السعودي والقياده
عسى عيد الفرح ربي يعيده
على اية مسلم ايقول الشهاده
بنصر وعز للاسلام كله
وكل يهتني داخل بلاده
وانا من هالمكان ارفع بصوتي
ليا من كبر اللاش الوساده
ترانا كلنا الشعب السعودي
ولانا صدق مايبغا شهاده
متى ما نبنا داعي وطنا
تلاحمنا سوا شعب وقياده
وقد حملت بعض مواقع التواصل الاجتماعي وان كان من عيوبها عدم حفظ حقوق الشعراء ومنها ابيات فكاهية تحمل معاني العيد وجاء فيها:
العيد والله شوفتك يا أدعج العين
ماهو بشوف وجيه بعض الجماعة
اللي سوالفهم لها سنين ودنين
فلان جاب بعير وفلان باعه
وقيل ايضا عن العيد
العيد هل ودق في الصدر هوجاس
وطاب القصيد وكل غالي طرالي
وحبيت أهني كل غالي من الناس
وأخص منهو منزله فوق عالي
الصاحب اللي خوته ترفع الراس
يحمية ربي شر سود الليالي