أسوأ خبر

أسوأ خبر جانا.. خبر يوم الاثنين
زلزل به قلوب الرجاجيل وأبكاه
وساد الذهول وغورق الدمع بالعين
والحزن بوجيه الرجاجيل شفناه
قالو توفى خادم البيت والدين
فهد سليل المجد في ذمة الله
واهتزت جبال وقصور ودياوين
وانهارت عزوم قوية من أعلاه
وطاحت عقل وبشوت كل المحبين
واسودت الدنيا بعد ما فقدناه
وتفجرت عبرات مثل البراكين
وعقول ضاعت لولا الإيمان بالله
وتشابهو ليلة وفاته ملايين
كل بكي بحرقه على فقد مولاه
لوهو بحرب وضرب ويل المعادين
نموت دونه للعدو ماعطيناه
بس الأجل مكتوب والناس دارين
أن الفهد رب الخلايق توفاه
نستغفر الله والقدر فيه راضين
بس الفهد غصب علينا بكيناه
يعيش وسط قلوبنا والشرايين
وشلون عقب اللي عرفناه ننساه
وسع مجال الحرمين الشريفين
وللمسجد الأقصى وصل خير يمناه
وحجج على حسابه حجيج ضعيفين
واللي عجز غيره يسويه سواه
وطباعة المصحف دليل وبراهين
على اهتمامه كيف يطبع ونقراه
اللي مثل فهد العروبة قليلين
يحمل هموم المسلمين بحنايا
عاشت بوجدانه قضية فلسطين
حتى أصبحت كل القضايا قضاياه
كان الفهد سلطان فوق السلاطين
كان الفهد أسم كبير وخسرناه
كان الفهد عنوان فوق العناوين
كانت دول كبرى تهابه وتدراه
إليا زعل تزعل أمريكا على الصين
والعالم بأسره يدور على أرضاه
أخذ على نفسه عهد عام تسعين
وخلال سبع شهور بالضبط وفاه
رد الكويت ورجع الصاع صاعين
ولاقال كم اللي عليها صرفناه
كان الفهد فوق الأيادي له أيدين
كان الفهد فوق العطايا عطاياه
هذه حقيقة ما بها حرف تخمين
هذا جزء من سيرته لاذكرناه
لكن عزانا فيه سقم المعادين
خليفته خفف علينا المعاناه
ابن الملك واخو الملوك الميامين
أصبح ملك على البلاد وتولاه
يستاهله كفو أبو متعب ونعمين
خذا الولا والبيعة اللي عطيناه
وسلطان ابوخالد ولي عهد ويمين
ساعد ملكنا لأنتخى عند يمناه
مصدر فرحنا لاغدا الهم همين
عز المواطن لاشكى ضيم دنياه