صقر الجزيرة سيرته له عناوين

الف وثلاث امية واحد وخمسين
يومٍ يوثق بالفخر في بلادي
بمناسبة عامه ثلاث وثمانين
اسجد شكر لله رب العبادي
اني مواطن في بلاد الحرمين
وعلى الله الرب العظيم اعتمادي
في دولةً حكمه على منهج الدين
وسنة نبياً للمخاليق هادي
وصقر الجزيرة سيرته له عناوين
من حكمته حصل جميع المرادي
كافح وناضل في جميع الميادين
فوق الركايب والمهار الجيادي
بدا المسيره قوته قيل ستين
الكل منهم في حياته مفادي
قال البطل وحده وللخير داعين
واللي خذا راي الزعيم استفادي
الشعب عنده بالحقوق امتساوين
شره على اللي بالعناد امتمادي
بعد الولي شعبه عن الحكم راضين
وجمع شاتات الشعب حضر وبوادي
ياما غدت شبه الجزيزه بساتين
وراح العنا والخوف والامن سادي
وعيال ابو تركي على الدرب ماشين
دربٍ يخلي للصفوف اتحادي
سعود مع فيصل وخالد ميامين
وفهد مروض بالفعول الاعادي
واليوم ابو متعب زعيم السلاطين
صقر العروبة والزعيم الريادي
شعبه يحبونه على العهد باقين
ولاحداً سمع لمكثرين الدوادي
للحاكم العادل وحكمه موالين
وماقدمة للشعب للعين بادي
دعم مشاريع الوطن بالملايين
ولو تطلب المزيد بالحال زادي
ومعه الثنين مرجحين الموازين
يصار للدولة قراراً اسيادي
مع خادم البيتين بالفعل وافين
سلمان ومقرن طيبين المبادي