يالله يا اللي كل هماً تزيله يا منزل سورة تبارك والانفال يا الله تجعلها علينا سهيله غيبة ملكنا الفهد زيزوم الابطال يا صعب والله عن وطنا رحيله فهد العروبه شيخنا سمح الاقبال العاهل الوافي مزبن دخيله زال الخطر عن جارنا مابها جدال عزاً يعز وعز من يلتجيله ياقف مع المضرور لو ما قفه طال ياكبر بالشعب السعودي جميله حلحيل وافعاله كبيرات وجزال ويا الله يا منشي مزون المخيله يمطر على ارضك من الغيث همال عسى الفهد يسكن جناناً ظليله ويا الله تقبل من فهد جزل الاعمال يا الله يا الرحمان منجي خليله ترحم من افعاله يفوقاً الامثال افعاله بمكة وطيبة مهيله خادم بيوت الله لصعب حلال وكل المواقف من ملكنا جزيله وللمسلمين بحزة الضيق مدهال كم من صعاب عن وطنا يزيله يبذل ولا همه ملايين الاموال وليا قدم يروي السيوف الصقيله فعل الفهد منه الخبيثين تهتال وحنا عزانا بابو متعب مثيله الوافي المخلص من اول ولا زال افعاله الجزلات اكبر دليله مراعي ظروف الكبيرين واطفال ملك افعوله من قديماً جليله عبدالله اللي ما كره راس ماطال مفتوح ديوانه وكلاً يجيله ويلقي العداله من لفا طيب الفال وكلاً سمع ما قال مبداه قيله يا عظم والله مبتدا كلمة قال دستوره القرآن ربي كفيله ومنهاجه الاسلام في كل الاحوال الله يمهله سنين طويله والله بنصره ينصره مزبن الذال وولي عهد بالوفا زاد كيله سلطان حلحيل خزاما لمن عال ونبايع آل سعود ساس الفضيله وعهد الوفا متوارثينه من اجيال وافين معهم من زمان الاصيله نفدى الوطن بارواحنا قول وافعال وصلاة ر بي عد نبت الخميله على الرسول اعداد ما وادين سال
