عواكيس

* الأخ معكوس زعيم الكباتنة الحقيقي صالح محمد النعيمة هذا اللاعب اعشقه الى درجة الجنون ياليت سامي يفكر فيه مديراً للكرة؟
متعب صويان
-ياليت سامي.. شكلها مطلع قصيدة يا ابن لعبون!
*أخ معوكس ما رأيك في قرارات وزارة العمل لسعودة المدربين في الأندية السعودية فقد مللنا من ذهاب الملايين لخارج الوطن؟
سفير الحلة - الخبراء
- المشكلة مافيه الا بند "الفزعة" وعقبها أقضب الباب!
* الحبيب معوكس وش قصة قميص يوسف السالم.. ولماذا ما تنبهت له لجنة الحكام الآن.. أكيد قال لها أحد.. وينهم عنه يوم كان في الاتفاق؟
راشد الدوسري - الخبر
- العجراء الخفية مبرمجة على لون واحد!
* بعد ذهاب علي كميخ للتدريب في الدوري الاردني وقبله سامي الجابر في فرنسا نقدر نقول يا معوكس ان عهد المدرب سيكون زاهرا؟
عبدالله التميمي- الرياض
-وانت نسيت انه كان زاهرا بالزياني والجوهر؟!
* الاستاذ معوكس من اللي قطف ثمرة عمل الآخر ادارة الاتحاد ام بعض الشرفيين؟..
احمد عبدالله - جدة
-امانة.. بيني وبينك الثمرة غرقتها السيول!
* صديق الجميع معوكس ماهي رؤيتك لنجاح رابطة الاندية الخليجية.. بالنسبة لي اتوقع ان الكرة الخليجية مقبلة على طفرة غير عادية؟
فهد الهاجري - الدوحة
- أما غير عادية وإلا دحدرة وسنوات الضياع!
* ابو العواكيس وش رأيك بكلام الدكتور محمد باريان يوم قال: ان القناة ليست ملكاً لعلي وبندر الشهري.. يعني ان القناة للكل؟
ياسر العمري - ابها
- وين للكل معه واللون الواحد يسيطر على برامجها واللي يخالف ياويله ويل!
* صاحب الخبرة الرياضية الطويلة معوكس من برأيك سيفوز بكأس آسيا للأندية، انا اتوقع ان الاندية السعودية مايردها الا النهائي؟
سعد القحطاني - خميس مشيط
-مايردها ولا الدعيع!
* تصدق يامعوكس اننا ما شفنا رئيس الاتحاد السعودي يوم حفل الحكام الختامي.. تشعر ان هناك سباقاً من البعض على الصورة؟ ماغير تشخيص ومغامرة صوب المصورين.. ما قول الا الله يعين رياضتنا وتحكيمنا؟
صالح السعيد - الرياض
-سباق على قميص السالم!
* الاخ معكوس وش السالفة ناصر الشمراني وخلافه مع الشباب وانا سمعت ان النصر هو السبب لانه يفاوضه ويطمع اللاعب في عقد كبير والرجال ما صدق قيمة العقد؟
متعب الشمري
-يفاوضه يكمل حسين ونور وعطيف أربعة بلوت!
* قاهرهم وحابس دمهم عكوسي وش رايك في المعلق اللي فجر آذاننا بصراخة صار يوزع القاب وش ياترى هدفه
نواف الصيخان - حي الفلاح
-هدفه أطعم الفم تستحي العين وبني ياس!
*الاملح والاشهر معوكس بشفافيتك المعهودة وجرأتك يابطل ودي تفسر لي أسباب موافقة رئيس اتحاد الكره أحمد عيد على صاحب العبارة الشهيرة عضوا في اللجنة ناقص خوية ابوعجراء وتكتمل الرصة؟
بندر العصاي - عنيزة
- تكتمل الرصة وكبوت منكوس!
*الحبيب الصديق الغالي معوكس ودي بس أنقل لك سلام خويي أبوعبيد يقول مستحي أرسل له وتعرف الجو حار أهل الرياض الله يستر لايصيرون بروستد من الحر حتى سوق الحمام مالنا فيه علم
حمد الدوسري - ابومبارك - العزيزية
-مالكم إلا سوق المملكة تمشون فيه لا وبعد متلطمين
للتواصل مع معوكس
البريد الالكترونيsport@alriyadh.com
فاكس 4871070
مع تحيات معوكس وسلامتكم