صوت الصورة

حرفه قديمة باقية في وهجها
ومن السعف والخوص هم يصنعونه
مصنوعة الخصاف وسفره نسجها
وقت المعارض والحرف يعرضونه
عبد المحسن محمد المحيسن
- رياض الخبراء
الشايب اللي يسف الخوص
يكد حيله على هونه
مهنة تذكر سنين العوص
واليوم كلٍ على شونه
حمد عبدالله الوايلي
- حوطة سدير
يسف من خوص النخل له مخارف
وسفر وحصراةٍ وفرش المصلين
هذا الحساوي بارعٍ بالزخارف
من مخيطه يتذكرون المسنين
ولولا الحرس ان كان ذا النوع شارف
على النهاية وانقرض لعدة سنين
سعود عبدالعزيز الهزاع
- نعام
راحت سنين السعف تغيّر الحال
أول وهي تنباع في كل دكان
حرفة قديمة من الخوص أشكال
نسف حصرات ومخارف وزبلان
النخل مصدر رزق بالزاد والمال
هذي سوياهم في ذيك الأزمان
عبدالله فهد الشريف
- الدرعية
رغم التقدّم إرث الأسلاف باقي
ووسط الجنادرية نشوفه
والعم يصنع في يده فن راقي
أو ملبوس أو مفروش تكثر وصوفه
سعود عائش الحربي
– القاهرة
أيام راحت كلها جهد وكفاح
نشوفها كل عام بالجنادرية
من النخل يقضي حاجته كل فلاح
ومن الخوص يضع سفرته واهنيه
حياة البساطة راحت وزود الشقا راح
وصرنا نعيش أيام عزّ المدينة
خالد ناصر المخيمر
– روضة سدير
تراثنا رمز الفخر .. رمز الأجداد
من ماضي الأزمان لي وقتنا اليوم
تاريخ حافل بالبطولة والأمجاد
ومنهو يقول الحق ما يلحقه لوم
بشائر القحطاني
- الرياض
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070
ونرحب بما تلتقطه عدساتكم من الصور
الطريفة والهادفة .. وياهلا
، صورة العدد السابق