القصيدة للنعيمي وأخطأ ابن فهيد بنسبها لغانم بن وتيد

الماجد يعقب على صور شاعرية

المكرم الأستاذ علي الموسى المشرف على صفحة خزامى الصحارى
السلام عليكم ورحمة الله وبركاته:
نشكركم وكافة الزملاء على جهودكم الطيبة وحرصكم على الاهتمام بالموروث الشعبي. أطلعت على ماكتبه إبراهيم الجبر تحت عنوان: (صور شاعرية) يوم الأربعاء 14/1/1434ه في العدد 16228 من جريدة «الرياض» الغراء في صفحة خزامى الصحارى حيث اورد ثلاثة أبيات تحت عنوان: (مريت تال اليوم بين الصلاتين) ونسبها لغانم بن وتيد الدوسري وربما كان مصدر الأبيات كتاب آدابنا الشعبية حيث اوردها منديل الفهيد رحمه الله في الجزء الرابع صفحة 181 وهي عبارة عن ستة أبيات. والصحيح أن هذه الأيات وإحقاقاً للحق وللأمانة من قصيدة طويلة للشاعر محمد بن راشد النعيمي موثقة لديّ في شريط كاسيت بصوته مع عدة قصائد له ومناسبة القصيدة التي نحن بصددها أن الشاعر مر على منازل والده راشد بن مهنا النعيمي وجماعته (حالة نعيم) من قرى البحرين وهاضت قريحته بالقصيدة عندما رأى الأطلال وأماكن جماعته مهجورة متهدمة وقد كانت عامرة بمن فيها ومقصد لذوي الحاجات وقد دفنوا وتركوا أطلالاً ينعق بها غراب البين. فقال القصيدة وفيها يتحدث مع تلك الأطلال ويذكر ما كان فيها من أمجاد لذويه ثم يشتكي الشاعر على الشيخ حمد بن عيسى آل خليفة حاكم البحرين في ذلك العصر. وإليكم القصيدة كاملة:
مريت تال اليوم بين الصلاتين
دارٍ غدت لي بالمثايل شحينه
دار الفحل نور المحل ريف الأدنين
ستر القصور النايفات الحصينه
ديرة أبوي وخلةٍ لي مصافين
ظنينتي يوم أن لكلٍ ظنينه
والفتها ولف الصغار الصديقين
واحبها حب المصلي لدينه
وعلمي بها عصرٍ مضى قبل ذا الحين
دارٍ وديّرها كثيرٍ قطينه
لجت مساييره وصوت الهواوين
تشدي نهارٍ فيه عيدٍ وزينه
واليوم ما فيها سوى ناعب البين
وما عاد من تالي الأجاويد عينه
يا سين يا ديرة الأجاويد يا سين
كم خاطرٍ عقب الفرح تبشعين
يا شوفة الله كم غدا لك من الزين
ويا دار هو وقتٍ مضى تذكرينه
يا دار أنا بانشدك وين المحبين
وانتي بعلمٍ صار لا تجحدينه
حيين هم لو تحت الأجداث جاثين
هم يسمعون الصوت لو سافهينه
هم يسمعون الصوت والا بعيدين
معشر هلي يا دار وين تهقينه
قالت لي اشبح وانظر الحال بالعين
دوك الرسوم المسملات الحزينه
كن الحيا ما مرها دور عامين
مره ولا بالخير مرت سنينه
ويا كيف تنشدني وأنا بي نياشين
شوف الشنايع للقلوب الفطينه
لا تنشد الماخوذ من حالة الشين
دليل حاله واضحٍ في جبينه
واللي تخبره من عصورٍ مزامين
راع العنايا والعطايا الثمينه
اللي على قدره تعز البزارين
و(...) واللي في العرب (...)
وان حفت الحافه بربعٍ مجنين
يبغون من ظيم الليال السكينه
فك الوسر من راعي العسر والدين
جابر كسر عانيه متعب قرينه
هذاك يا رايف الحشا والنظيرين
حال الثرى يا شيخ بيني وبينه
قلت اسكتي يا دار بالك تضجين
وطي حزين الصوت لا ترفعينه
عيني بكت يا دار قبل ان تحاكين
يا دار باقي السد لا تبحثينه
غير اصبري صبر الكرام المعيدين
صبري على شوف الطنا والغبينه
يا (...) الوفاد في العسر واللين
يا شي بضمر الجوف لو تفهمينه
العذر يا داري ان كانك تعذرين
والعفو يالحاله من اللي تبينه
العسر شين وعقل خطلان الأيدين
وما هاش من لاله عضودٍ تعينه
وما يشهر الشامي بليا جناحين
وش خانة الجيّد بليا يمينه
حار النظر يا دار من به تظنين
ظن الجميل اللي مرادك تبينه
اللي يثمن حق شكواك ويعين
ويفك عقلٍ من عضودي متينه
قالت (حمد) ما غير زين المخيفين
هديب شيال الحمول الرزينه
هذا الذي شادت بذكره دياوين
زبن اللهيف وريف خاطر زبينه
هذا مصب نهور شط الفراتين
ماهوب غرفٍ بالدلي والمكينه
يصبح به الشرب المولى بساتين
ويخضر به روضٍ نشاشٍ عرينه
وعندي على قولي شهود وبراهين
ولا خير في قولٍ سرافٍ يقينه
قلت اسمعي يا دار ياللي تقولين
تبغين كساب الثناء وتعنينه
هيا معي يمه على (الفور) تكفين
نركب بمشهود الحلايا الحسينه
شف الغوی طرزة ثمان وثلاثين
عون الوليف اللي تذكر خدينه
لا من فهق منه الوعر والرفاعين
وانحا وبان الضلع قدهو وزينه
ناتي من الرستة على كسرة يمين
وننصى القصور النايفات المبينه
يم (الصخين) وشفك اللي تمنين
هذا هواك وبد ما توصلينه
نو معروفه عم الأقصى والأذنين
هذا نعرفه والملا خابرينه
ان جاد فإن الجود له من قديمين
ومداً على غير الوفا لا تبينه
وان كان شح فحظك اللي تعرفين
طوره وميل الحظ ما تجعلينه
الفهيد رحمه الله
خالد الماجد القحطاني