تغطى يا وطن باسود ثيابك حزن واكسينا

عليك الله ألا يا سبت هالأحزان يكفينا
رحل سلطان بك واليوم عن شعبه رحل نايف ..
عمود الدين ذاك اللي حلف بالله يحمينا
وذي أرض الوطن تشهد وذي مكه وذا الطايف ..
تغطى يا وطن باسود ثيابك حزن واكسينا
مدام الحزن في نايف لك الله حزن مو زايف ..
تعبنا نجمع اشتات الفرح كثرة مآسينا
وجا هالسبت كملها بفقد الشامخ النايف ..
رحل نايف رحل عنا قبل ماالسعد ينسينا
ولي العهد مفقود اليتامى مأمن الخايف ..
عسى الله يعين ابو متعب ويحفظنا ويكفينا
شرور الوقت واحزانه ونقوى الصبر عالطايف ..
يهون الحزن باذن الله مدامه هالوطن فينا
وباكر نفرح وننجز يشوف انجازنا الشايف ..
بيبقى هالوطن شامخ بحاضرنا وماضينا
ونمسح دمعة الأحزان في وقتٍ غدا حايف ..
والا مرحوم يااللي في نهار السبت مقفينا
رحل سلطان بك واليوم يا سبتي رحل نايف ..
حمزه الهاشمي