تشفي زعيم أهل الوفا

يا الله يا علام غيب المقابيل
أنت الرجا ما غيرك أحد رجيته
لك أبتهل ياخالقي باخر الليل
وسنة نبيك يا وليي رضيته
الذكر بلساني شهاده وتهليل
وتعلم نوايا نيتي لو خفيته
ياللي بوحي العلم خصيت جبريل
وموسى بنفسك في جلالك دعيته
وتحيي محيل القاع من وادج السيل
وبقدرتك تحيي من القبر ميته
تشفي فهد يا مرسل طير أبابيل
لجند ابرهة والجند بأمرك خزيته
تشفيه وتكتب له بالأيام تمهيل
بجاهك وجاه اللي لدينك هديته
تشفيه يا شافي جسوم المعاليل
ايوب من سقمه بعفوك شفيته
عساه بأمرك يسترد كامل الحيل
وعطاك محداً يمنعه ياعطيته
تشفي زعيم اهل الوفا والتنافيل
اللي على حسن المبادي قديته
كلام ما قلناه زيف وتهاويل
قائد مسيره بان للناس صيته
اليا ارتفع للحرب صوت المواويل
وصار اختلاف الراي رايه لقيته
عنده لصعبات المهمات تحليل
وراي الفهد عن كل رايا خذيته
وبالخير له تاريخ مجد وتسجيل
أنا مع غيري بالشواهد قريته
بامره للي يطلب منه عون تعجيل
بعد الله الافراج بركون بيته
وأخاف أنا من ظن بعض المهابيل
اللي تظن بكل مبدأ بديته
قلته ولا قصدي بقيلي محاصيل
ولا هو نفاق ولا بحياتي نصيته
فضل الله ثم فضله يجينا بتسهيل
وخيره بعد رب الملا ما نسيته
حاكم عدل ما يقبل النقص والميل
وروحي وما ملك لبو فيصل فديته
وصلواعدد ما هل وبل الهماليل
على نبياً سنته ماعصيته