الولاء والوفا والسمع والطاعه كلها لك يابومتعب نجيّرها

بيت وصدى

ابتهاجاً وتجديداً بالذكرى السابعة لمبايعة خادم الحرمين الشريفين الملك عبدالله بن عبدالعزيز آل سعود - حفظه الله - كان بيت الأسبوع حول هذه الذكرى الغالية والبيت لمعد هذه الزاوية ويقول:
الولاء والوفا والسمع والطاعة
كلها لك يبو متعب نجيّرها
وقد تفاجأنا بأن العديد من أصداء هذا البيت كانت بقصائد كاملة سوف ننشرها تباعاً إن شاء الله وأما الشعراء الذين كانت أصداؤهم تبعاً للمتبع بالزاوية وبثلاثة أبيات فقط فنشكر لهم التزامهم ومشاعرهم..
من قديم الزمان وحاضر الساعه
حافظين العهود ولا نغيرها
عهد أبانا وعهد أجدادنا وداعه
عندنا لك يا بو متعب نسيرها
شعب كله وفي مجدد الباعه
شايب القوم يوصي به صغيرها
بدر الحزيمي العتيبي
يا مليكاً مفدى طايلاً باعه
الفخر له ماضي الدنيا وحاضرها
المواطن بقلبه حبه اوداعه
أبدت الناس له صادق مشاعرها
انت شعبك عظيم وما اخلف اطباعه
كل عام لك البيعه وينصرها
محمد الربيلي - تبوك
حكمة العادل اللي ثبت أوضاعه
بالسياسه تسيدها وسيرها
دون حق الضعيف ضد طماعه
بدل الروس راس الخير بشرها
سالم البشري - الجبيل
الولاء والوفاء والسمع والطاعه
كلها كل يابو متعب نجيرها
وسط شيك حسابه حبه ايداعه
وسط بنك القلوب اللي يقدرها
حنا جنود الوطن للدار فزاعه
تحت راية هل العوجاء نسيرها
والعدو لا اعتداء وزادت اطماعه
حشوده اللي يقدمها ندمرها
عبدالله سعد عبدالله السهلي - الدرعية
في سبيل الوطن للحق فزاعه
والمواقف نعم شعبك يقدرها
كل واحد يفسر لأمرك ذراعه
لو فئات البلاء قامت ندمرها
عهدكم زاهر والعدل سماعه
خيركم شامل البادي وحاضرها
علي الرشيد - رياض الخبراء
يابو متعب ملكت القلب فاضلاعه
عبر خط الرياض الصحف ناشرها
صاب عين الحقود باوقفتك راعه
يوم هرجك يهز ولانت حاقرها
الك دستور سنه قيد وشراعه
يا المليك المفدى كفو تامرها
محمد زايد الروقي
- الجمش
يا مليك العرب يال عزوة الساعه
يازعامه على العالم مسيرها
علم الي تبين زادت اطماعه
دونه الليث والعدوان ذيرها
اشهد انا على يمناه وذراعه
وروحنا الي عزيزة مانخيرها
حمد عبدالله الوايلي
- حوطة سدير
وعلى وزن آخر كانت هذه المشاركات:
الولاء والوفا والسمع والطاعه
كلها لك يابو متعب نجيرها
يا عز الاسلام يالنبراس وشعاعه
قوافل البر والاحسان سيرها
يوم الشعوب المحيطه حيل مرتاعه
حنا بنعمه عسى الله لا يغيرها
أمن ورخاء والمواطن زانت أوضاعه
وشعوب أخرى ما تدري مصايرها
مبروك بن سالم بن ماضي
كل ما رأيت الحرم والجسر والساعه
انا ادعو الله يطول عمر بانيها
عبدالله اللي نظر للشعب ووشاعه
من حب شعبه لحاجاته يبد يها
ياشاف شعبه نسى الغضروف ووجاعه
ياقف يصافح جموع جته يغليها
شلاش بلال العنزي
- الرياض
يابو متعب عزنا ترفع الشراعه
والحواجز بلاوامر انكسرها
مانهاب الموت لو كثرت انواعه
النفوس نبيعها مانخيرها
الولد والعود من فوق مركاعه
سلومنا وسلومنا ما نغيرها
سعد صنهات السهلي
- الدرعية