الحب شخصٍ ينتظر لحظة إعدام

قولوا لها لو غابت ايام / وايام
والله ليبطي في خفوقي غلاها
اصحى وانام وكل ماجيت ابا انام
اغمّض عيوني واناظر حلاها
وإن نمت جاني طيفها وسط الاحلام
ياقْو لوعة حبها ياهواها
حبيتها والحب في الوقت ظلاّم
ياما قلوبٍ كان سبة عناها
الحب شئٍ تنثني عنه الاقلام
تنشف محابرها ويتعب مداها
والحب شئٍ ماتلاقيه الاوهام
من كبريائه كل عظمى رقاها
والحب شيء طاح حظه ولاقام
دايم وآهالينه تشكوى شقاها
والحب شيء مامشى فوق الاقدام
نبضٍ سكن بين القلوب وصداها
والحب شخصٍ ينتظر لحظة إعدام
لاضيّعت سود الضماير وفاها
والحب طفلٍ ماكمل عمره اعوام
وجهه لطيف ونظرته وش وراها
والحب شيخٍ في المواجيب عزّام
لاكمّلت خطل اليدين بعطاها
والحب انا حبيت عاشق ومقدام
في حبها لو طّولت في جفاها
ياناس راع الحب ماهوب ينلام
لو الضلوع العوج بيّح خفاها
قبلي سبح فبحوره الطْم هِيْام
قومٍ كبار وقدرها في لحاها
قولوا لها مازن من البُعد منضام
وهي سبة جروحه وسبة دواها
وقولوا لها لو غابت ايام وايام
تبقى على ماهي! ويبقى غلاها