سالفة عمري ..!

شكيت البعد ياقلبي وتوّك ماعرفت وصال
شكيت وزادت همومك وزادت حسرتي فيني
صبرت ومابقا بي حيل اساير معك هاالمنوال
جمعت اشواق قلبٍ عاش فيه الهم طاويني
طويت الياس عن دربي وفي قلبي عن العذّال
قطفت اجمل ورود الكون من اغلى بساتيني
حبيبي ماشكا قلبي من هموم و أّسا وغربال
شكا من لهفة اشواقي ونار البعد تكويني
عطيتك عمري الباقي فديتك يوم راس المال
قصيدٍ يطرب العشّاق في دنيا المحبّيني
تبختر داخل ضلوعي غرامك باالحشا واختال
غصب عنّي ترى حبّك ماهو بايديك وايديني
انا مجبور اسولف لك عن اشواقي على اليامال
قوافي الشعر لعيونك تسطّر في دواويني
مشاعر شاعرٍ ترسم من انواع الغرام اشكال
حكت عن سالفة عمري ... وخطّت لك عناويني
جداي اصرخ بعالي الصوت ( احبّك ) ياطرات البال
الا منّي ذكرت اللي جرا ما بينك وبيني
انا من كثر حبّي لك لحقني من غلاك هبال
الا يامااكثر اشواقي لشوفك يامعنّيني
تخيّلتك من اللهفه نقشت اسمي على السلسال
واذا ناديت من حولك خطا منّك تناديني !
الا ياليت لي حيله حبيبي باالغلا واحتال
والا ياليت به دربٍ عن الاشواق يغنيني
امانه معك ياقلبي اذا جار الزمان ومال
تذكرني ولاتنسى بقربك فرحة سنيني
احبّك كثر ماحنّت قلوب العاشقين وسال
على بيض الورق حبرٍ عن همومي يسلّيني
احبّك لو قصر عمري ...احبّك لو زماني طال
جرا حبّك حبيب الروح في داخل شراييني
يموت الصمت و تطول السوالف وآخر الاقوال
تأكد ياهوا بالي بشوفك تهتني عيني
عادل سليمان المخلفي