إدمان حبك

اللي مصبرني ترى حبنيلك
والأ انت مايصبر عليك اي مخلوق
اقول ابرحل لكن ارجع واجيلك
ادمان حبك والبلاء مقدر افوق
حبك ذبحني والمحبه دليلك
ماتشوفني صابر وانا منك مخنوق
القلب بحساسه ترى يهتنيلك
احساس عاشق ماوفاء معه معشوق
اطباعك اللي صرت منها ذليلك
ياللاسف قلبي غدا منك محروق
ذليتني في الحب الله وكيلك
مايصير ياعمري ترى صاحبك ذوق
ازعل ولكني اجي واشتكيلك
احكي معك ياسلوتي بحلو منطوق
كافي تعذبني حبيبي دخيلك
خذني معك يافرحت العمر برفوق
من كثر شوقي داخل القلب اشيلك
تدري الوله فيني ولك زايد الشوق
خلاص حن شوي وارحم خليلك
الى متى يادنيتي وانت مطفوق
يوسف الخلف - الرياض