قائد وثبات موقف

عاشت ايامك حبيب الشعب زيزوم المعالي
عشت للشعب السعودي والعرب والمسلمين
عشت للاسلام يالمقدام حماي التوالي
انت حر ماتهد الايجي صيدك سمين
تشغل الدنيا تواضع وانت الانسان المثالي
انت عبدالله بن عبدالعزيز المسلم الشهم الامين
يعرفونك بوش الاب وبوش الابن اول وتالي
يعرفونك محترم ومسالمك سلم ثمين
وكل هالعالم يعرفك غالي ما ارخصت غالي
دون دين الله قاسي لاتخاف ولاتلين
وطن وقيادة
هاذي بلادك يازعيم المحبه
تختال بك من كثر ماهي جميله
في ظل اخوك اللي خدم بيت ربه
يمناك سلطان القلوب النبيله
اخوك نايف واعي ومتنبه
لأهل الفتن واهل النفوس العليله
منهاجك الشورى ونهجك نحبه
عدل وتواضع واعتدالك دليله
نحب عبدالله وشعبه يحبه
اللي نهض عنا الحمول الثقيله
خاتمة- وعرضه- وفخر
يا لله طلبناك الرضا يالمستعان
تحفظ لنا الدين الحنيف ودارنا
ما مثلها لابالزمان ولا المكان
العدل والذكر العظيم شعارنا
اماننا بالله وحنا في أمان
ضيوفنا تأمن ويأمن جارنا