فرحة وطن كل النفوس تحمدها

في فرحتن تسعد جميع القواصيد
فرحة وطن كل النفوس تحمدها
مشاعري يحرم على مثلها القيد
مدامها بدارن نعيش برغدها
دارن موسسها على خير توحيد
الفيصلي عز النفوس ونكدها
جانا من المشرق يفد الجراهيد
على ظهر شقرن بسيفه لكدها
معه اربعينن كلبوهم صناديد
ارياهم لحكم الجزيرة عقدها
وبدا من العارض بحنكة وتأييد
وقضى على الفتنة وهي في مهدها
وجمع شتات البدو من شاسع البيد
والحاضره درس وعلم ولدها
وتناوبو حكمه كعام الاضاديد
عياله اللي ما نسينا جهدها
لينه حكمنا مشيد الدار تشييد
خادم بيوت الله مجدد عمدها
هذاك ابو متعب عمى كل عربيد
وكحل العيون اللي تزايد رمدها
ملك قلوب الناس من غير تعميد
بتواضعه والدين نفسه فردها
المنجزات بعهدها بدون تحديد
زادت وهو اللي بكفه سندها
وعلى الصعيد الخارجي حقق الميد
خيمة سلام العالم ارسى وتدها
ويعاضده خير الرجال الاماجيد
ولي عهده كل جزله حصدها
سلطان سور الدار لطم المباليد
يا مل نفسن زاد فيها حسدها
والنائب الثاني زبون المضاهيد
وعون الضعيف اللي حقوقه فقدها
نايف صليب الراي جزل المواريد
ومنصى الطروش اللي تطافح زبدها
وسلمان حاكم نجد طب الملاهيد
مسيرته في نجد كلن شهدها
الله يحفظهم سنينن تراديد
ويديم عز بلادنا في سعدها
هندي بن عبدالله البقمي