أوامرك يا المليك الشهم سرتنا

أوامرك يا المليك الشهم سرتنا
من فيض جودك عطيت لشعبك مراده
وتباشر الشعب وازدادت بشاشتنا
باوامرك يا من المدات لك عاده
يا سيد الجود يا قايد مسيرتنا
يا صاحب الفضل يا تاجه ويا عماده
سحايب الجود من يمناك عمتنا
هلت وفيها حياة الشعب واسعاده
بعودتك سالم كتبنا حروف فرحتنا
واليوم كملتها يا سيد الساده
يا حامي الدين يا ناصر عقيدتنا
يا حامل هم نصر الدين بفواده
سياستك خادم البيتين خلتنا
بارقى المحافل لنا تأثير ورياده
وحنكتك يا سيدي في حكم دولتنا
حزنا بها بصمة التاريخ وامجاده
ومن هيبتك نستمد اليوم هيبتنا
ومن سطوتك مات راع الكيد بعناده
كل يحبك وحبك سر قوتنا
الشيخ والشاب حتى الطفل بمهاده
نكبر وتكبر يا بو متعب محبتنا
ولك المشاعر بكل الحب منقاده
يا ربنا تستجيب اليوم دعوتنا
يا قادر يستجيب لدعوة عباده
أتمم شفاءك على مصدر سعادتنا
وطول بعمر الكريم مطور بلاده
حنا نعيش بتلاحم مع قيادتنا
ما همنا هرج فتانه وحساده
نعيش ونموت في طاعة حكومتنا
ونفوسنا دونها للموت وراده
حكومة تبذل الغالي لراحتنا
نرخص لها الروح والارقاب سداده
واللي بزعمه يبي تفريق وحدتنا
نعطيه درس من الاخلاص للقاده
ونرد كيد المعادي عن جزيرتنا
ونخلي المعتدي يموت باحقاده
عطاالله بن سليمان العطاالله (الزلفي)