عيدك هو العيد

انت ياسيدي عيدك هو العيد
ضمن عيد الضحيه ورمضاني
انت من عايدك يا أغلى المواعيد
عاش معنى الحياة بشكل ثاني
انت عيدك غلا ياناعم الجيد
وعيد هالناس تبريك وتهاني
قرّب العيد وأنته عني أبعيد
وأنت غالي ولك قدر ومكاني
يوم كلٍ خذا أيامه عناقيد
علقم المر ف دروب الأماني
دون وصلك عذر صاحبك مايفيد
دامني حي وصلك ماعصاني
رغم مابينا من نازح البيد
يمك العيد بفراحه دعاني
يابها نجد كله يا أجمل الغيد
يا نقا الروح ياطهر الغواني
كن شعرك على أمتونك تجاعيد
يرسم الليل ف دروب الزماني
أدري أنك تجي من دون تحديد
ل أذكرتك المشاعر في ثواني
وأدري أنك تريد الوصل وتريد
قلب من ضم حبك ف المحاني
يامدى العشق ف دروب التناهيد
ويامدى الحزن لامنه غزاني
انت لامن طريت وعني أبعيد
قام طاريك للحزن أيحداني
النوادر تجيلك عقد تمجيد
ومعهن أيجيك ودي وأمتناني
والأكيد الأكيد اللي هو أكيد
الزمن ماعطاك ولا عطاني
عبيد البديري