اصاحبي برد ترى الحر كايد يامحتمي بديار نجد وقطنها يلحن بعذب الصوت فوق الجرايد ماعود الجنحان هجرة وطنها سعد الحماد-روضة سدير ياطير يالي لادجاجة ولاديك أشرب وبرد وأغسل الراس ياطير دام الظما والحر حدك على هيك وأقلع قبل يصدفك بعض الصقاقير احمد نايف العصيمي - الرياض الماء حياة الكل حي على الأرض واللي عزا دونه فهن الجوازي شف الحمامه مدخله راسها عرض من شان تشرب والله اللي يجازي محمد بن صالح الأطرش - رياض الخبراء اشرب من الما وبل الراس القيظ جتنا لواهيبه انا بديرة أعز الناس أمنن .. وامانٍ .. وترحيبه عبدالكريم عبدالرحمن السلوم - القرائن خوف الطير من الشمس ولهيبه خلاه تحت الما ينعش بالبراد حرارة الجو تضره ماهي غريبه تضره وتعطله عن رحلة الهداد منصور الرحيمي - القصيم حتى الحمامه صابها طبع الاسراف من هدرها للما وهذي علامه والصيف قرب يا جماعه وانا اخاف ينقص علينا الما ونخشى انعدامه سليمان بن عبدالعزيز السنيدي - الرياض علي من الماء واسبحي يا حمامه والراس عن حر اللواهيب عليه وان شفتي القناص يبرم حزامه تنهضي يم الخضيرا وخليه فهد بن عقيل الطويان - بريدة طير الحمام يروش الراس بالماي مدري نظافه أو من زود الحراير القيض كايد والعطش يخلف الراي وكم واحدٍ خلى له الجسم فاير خالد بن ناصر المخيمر - روضة سدير ألا يا حمامه ازعجي الصوت مسروره بعد حر السموم وبعد مطيارك رعاك اللي تكفل برزقك تحت صنبوره وعلى صفحة خزامى تنشر اخبارك حمد عبدالله الوايلي - حوطة سدير الطير يشرب من التنقيط وناسٍ بها اسراف معروفه واللي علينا عدم تفريط والما له نفوس ملهوفه ريان محمد الخنيفر - الرياض حتى الحمامه علموها بالاسراف يا شينها من عادةٍ جاهلية احذر من التبذير لا تشوف ما شاف جدي وجدك في سنينٍ خليه عبدالرحمن المدلول - رغبة في كل كبدة رطبة أجر هنيالك يالي سقيت الطير حر وصيف ساعة الظهر تجعل الماء في رشفته غير محمد عبدالله رجب – الرياض صورة العدد نستقبل مشاركاتكم الشعرية على الفاكس رقم : (4871070) أو الايميل الخاص صفحة الخزامى: RB-khozama@alriyadh.com زاوية (صوت الصورة) ونرحب بالصور الهادفة والطريفة.. ويا هلا.
