قصيدة بركات الاتصالات

رؤية رقمية

يامرقب بالنت نطيت راقيك
ماواحدٍ قبلي دخلك وتعلاك
وليت يا ذا الدهر ما أكثر بروكسيك
وليت يادهر قوقل ول ماأقواك
ياللي على العربان عمت حكاويك
الله يزودنا المعرفة من أتلاك
واليوم هالفواتير غدن شبابيك
تلعب به الأرياح من كل شباك
يا خوي اسمع جابتي يوم أوصيك
وصية مهندس بيامرك وينهاك
أوصيك بالثابت عسا حلالك يكفيك
خلك ربع قو أو جود لا تعداك
احفظ جوالك اللي عن الناس مغنيك
اللي إليا سددت فاتورته يرفاك
واعرف ترى سوا شراها بناخيك
لو تطلبه خمسة دقايق ما أعطاك
ياذيب وإن جتك الزباين في مفاليك
فاكمن لهم الين الهيئة تعداك
من اول ياذيب تفرس بأياديك
واليوم جاء ذيب عن السيار عداك
يا ذيب عاهدني دام نظامي بتشكيك
مارميك أنا ياذيب لو زان مرماك
اجعل دروب البلوتوث من معانيك
واحذر ترسل وسايط بمرقاك
لاتنسدح عنها وتبغيني أعطيك
جميع بلوتوثاتي ما حصل ذاك
ركب دي اس إل إن كان تبغيه يشفيك
واستسعفه من بعد تسليك بالاك
اما شبك والتورنت بسرعة يأتيك
وتشوف به يوتيوب مثلك وشرواك
وإلا بعد تهنيقة المودم بيوذيك
ولو زعلوا التسعمية لاتخليه يتلاك
واحذر شماتت دايل أب مصافيك
واليا انفصل برودباندك قال لولاك
الجار قدم له لاسلكي حين يلفيك
مما يطوله يا فتى الجود شباك
اكرم كمبيوتره فإنها من شواديك
وابذل له الباسورد ما دام يعناك
احذر تخلي النت فرجة للمهاليك
خله مقفل عن غريب إذا جاك
واحذر دعاية بغبة البحر ترميك
ولا اشتركت معهم أزعلك وأبكاك
وأوصيك بالكونكت وإن عثا فيك
ما دام تغطيه الشبكة فاحتمل ذاك
راعه ولو ماشفت انه يراعيك
عساه بكشته وسط النفود يالاك
وتصفح النت بحقوقها قبل تاتيك
لا تزعل الرب فالحق يقفاك
ومنتدى النميمة بشاشتك لايجي فيك
وإياك عرض الغافل إياي وإياك
ترسل إيميل للملا فيه تشكيك
وتهيم عند الناس بالكذب واشراك
واحذر تضيع من ايميله ذخر فيك
معروفه لا تنساه وأوفه بعرفاك
ترى الإيميلات بين الأجواد تشريك
اليا طمعت بدومها خلها تعداك
واحذر القارمن ولو نجمه يصافيك
خلك نبيه واشحنه كل ما وداك
لاتأمنه واطلب من الله ينجيك
ويكفيك ربك شر ذولا وذولاك
بالك تشري لاب توب يرديك
طالع بالبروسيسور وفكر بمشراك
إنتل أصيل في زمانك يشاكيك
لاشاف خملاتك في الوب غطاك
واشتر لك اي بود في مقاضيك
وكل بودكاست احفظه لا يتعداك
ثم العن الشيطان لياه يغويك
خزن به الآيات ومرضاة مولاك
واوصيك لاتشكي علينا بلاويك
من عقب ضيعت الباسورود بيمناك
واعرف من كشف سرك واطيك
ولا أنت بأعز من الهاكرز هذولاك
وكم صفحة في الفيس بوك تغليك
واحذر تصادق كل واحد حذراك
في صفحتك أسرار اختك وأخيك
وافطن لشخص لانفرد بك أغواك
والحر مثلك يستحي يصحب الديك
وأن صاحبة عاعا معاعات الأدياك
ومن بعد ذا لا تجرب دردشة تغويك
وعن شرية التوت حاشاك حاشاك
ترى الكتابة فيه تخلف طواريك
وأنا أرجي إنك ما تسوق دامه بيسراك
ولغرفة البالتوك احذر حذاريك
فيها الكذب وتخوين كل ما جاك
من نم لك نم بك ولا فيه تشكيك
وأيلاه قد أزرى شيخك وأزراك
عندك حكا فيهم وعندي حكا فيك
وأصبحت متشتت وما كنت أتهقواك
مير استمع منى عسى الله يهديك
النصح يا صالح لك الله مولاك
عندي مظنة ما تمثلتها فيك
وأطلب لك التوفيق من عند مولاك