اعمل الخير دايم

خل حالي لحالي وانت خلك بحالك
دام مالي قبول ولنت راضي عليه
المقدريكون بدون يخطر ببالك
وأنت له ما سعيت ولا أعتقدت بمجيه
ماشي الكون ماشي منت فيها لحالك
بس يالقرم عز النفس مادام حيه
خل عنك المنافق لو تكلم بخالك
وأرفع النفس عن نقل العلوم الرديه
من يقدرك عزه ثم حطه بجالك
دام نفسه عزيزه ما بها سوء نيه
الجهاله عدوالنفس فيها المهالك
بس بالصبر تغلب والتأني شويه
عمك اللي معك وليا تعثرت شالك
وخالك اللي تخلى ما يبالك وصيه
كل شيئاً تباه بتأخذه من حلالك
والردي بالمنا مشغول ميه بميه
الردي يا عسا ماله فاله اليوم فالك
يسهر اللي كله ثم نام ضحويه
حذر الشاطرين ومنه حذر عيالك
والحذر تقرب الاجرب وتقرب خويه
ثم والله ما يبرأ الجرب من قبالك
الجرب علة لوصاب عله قويه
ينتشر في العروق وينتشر في المسالك
ما فلح اللي مصاب بعلة باطنية
لا تخاوي المريض ولا تمد بشمالك
وأحفظ النفس دائم في سلام وتحيه
الجوانب أنتتعرف يوم تكتب سوالك
بين الفرق في الاسلام والجاهلية
خل عنك النجوم وصل وأمسك جبالك
القناعه تراها كنز مافيه زيه
لوتبي تنصح المجنون تتعب رحالك
بس خلك بعيد وسايسه من شويه
اعمل الخير دائم دام تقدرسبالك
والبواقي على الله بينه والخفيه
لاتلوم الضعيف اللي لظرفه عنالك
الوزاء جرحا له وسط هالمهمهيه
الظروف الرديه تودع القرم حالك
شاحب الوجه قاتم نظرته جانبيه