نبع السخاء

يا الله يا رحمن يا خير معبود
يا عالمٍ سر القلوب وخفاها
يا من لوجهه كلنا ركوع وسجود
غفار زلات العباد وخطاها
من بعد ذكر الله بكتب على أود
أبيات شعراً تبهر اللي قراها
سلام مني عد ما ذعذع النود
وإعداد ماهل المطر من سماها
سلام يحمل ريحة الورد والعود
من خاطراً هاض وبيوته لقاها
للي بيوت الشعر تفخر به بزود
وفي نادر أفعاله ووصفه تباهى
سلطان يانسل المطاليق والجود
يا بو العلوم الغانمه ومن حماها
سلطان خير وبحر خيره بلا حدود
عالي مراقيب المراجل رقاها
حتى قوافي الشعر تغدي له جنود
ترسم وصوفه قبل تاصل مداها
ستر الهنوف إن جارت أيامها السود
لامرها طاريه يروي ضماها
لبيه يا فخر الاصالات وجدود
لبيه يا نبع السخاء يا عطاها
لله درّه عاهد الخير بعهود
جمل وجيه البر واسدل لحاها
من مد يمناه الكريمه له اشهود
تاصل لا ابعد حد دايم صداها
يرعى صفوف المرجله جيوش ويقود
وأقسى الشدايد عند رجله ثناها
يا الشعب السعودي شيخنا اليوم موجود
وطت ديار العز رجله ثراها
يا مرحبا والأرض تفرش لك ورود
إعداد ماهبهب علينا هواها
يا سيدي والناس واعين ورقود
ما غير ذكرك ينطق من شفاها
واختامها بالطيب .. لطيب مردود
لأهل القلوب الوافيه في صفاها
والحمد للرحمن هو خير محمود
سبحانه اللي مدّته ما سواها
أشفا لنا سلطان والشر مردود
ولي عهد الخير نفسه شفاها
وصلاة ربي عد ماترعد ارعود
على نبي الله في منتهاها
سارة الزهراني