حنّا مع جنود الوطن

لاتحسبون الوطن من هاز له رازه
نهج العقيده وتوحيد الله حصونه
هذا وطنّا ودين اللّه بروازه
مانسمح بشبر في داري تعدونه
هذا وطنّا وجنده موعد العازه
جنده رجال ٍ تبيع النفس من دونه
جنده رجال ٍ تنول العز وإحرازه
هم نبض قلبه وهم درعه هم عيونه
وحنّا جنود الوطن عوق ٍ لمن هازه
نصف صف ٍ وفا للدار مظمونه
نصف صف ٍ ولاء القلب إيعازه
ونزلزل أركان أحلام ٍ تشيدونه
مهما تهيم النوايا نبدد ألغازه
مهما رسمتوا هدفكم نهدم ركونه
نجي على رجولنا واللي بعكازه
دين ٍ إذا حل وقته روح مرهونه
نعطي دروس ٍ لكم ولمنهو اعتازه
واللي مغرر بكم ماصابت ظنونه
في دارنا خط ٍ أحمر منهو اجتازه
غصب نقطع دابره واللي يعينونه
دار ٍ بمكة وطيبة ربي امتازه
شِلّت يدين ٍ لها التخريب ينوونه