معوكس

*استاذ معوكس
بحكم خبرتك الطويلة في الإعلام ، ماذا ينقص بعض الإعلاميين حتى يواكبوا الركب ويعكسوا الوجه المشرف للحياد في العمل الصحفي؟
-خالد المرجان-عسير
-حتى يواكبوا الركب يركبون خط البلدة!
*العزيز معوكس
يبدو أن هناك اشخصاً كانوا متوزين وراء التلفزيون ما صدقوا على الله أن يخسر الاتحاد عشان يحشوا الإدارة، ليش مايعتبرون الامر كبوة جواد؟
-سلام دنمهوري- مكة المكرمة
-هذولا ياوجدهم على الفلاشات والمؤتمرات المسرحية!
*الساخر ابو العواكيس
الظاهر عين ما صلت على النبي، وش قصة الهلال ومباراته مع الشعلة، وشلون يشرك ستة لاعبين فوق 23 سنة، ومن المسؤول؟
-عبدالملك المرشد - جامعة الملك سعود
-غيره أشرك عشرة ومرت مرور الكرام!
*لك وافر الاحترام يامعوكس
الله يذكر لاعبين زمان بالخير كانوا متواضعين ولايتكبرون على الجماهير، ذكريات جميلة كانت مع الرائعين محمد الخليوي واحمد جميل وبقية نجوم ؟ الاتحاد السابقين، حتى في المعسكرات كنا نزورهم ونسلم عليهم ويستقبلوننا بكل ترحاب، عكس زمننا هذا اللاعب ما يعطيك وجه، لماذا؟
محمد الدعيع
-محمد الغامدي- جدة
-مشغول بالسماعات اللي عاى أذانه على باله كرسيتيان ولا كاكا!
*أبو الذبات الجميلة معوكس
أنا برأيي أن الإداري اللي ورط الهلال قدام الشعلة يسحبون من رصيده مادام ان النقاط سحبت من الهلال عشان يفتح زين؟
-سعود النمري-الطائف
-يفتح «زين» والا»موبايلي».
*صديق الأصدقاء معوكس وش يبون التعاونيين من الرائد كل يوم حاطين نقرهم بنقره حتى في المباريات اللي ماهو طرف فيها يدعون ان جمهوره نغص عليهم ويعني هذا اعتراف منهم ان شعبيته كبيرة؟
-حمد النونان-بريدة
-ويبون دعم بكم تنكة كليجا!
*اسمع يامعكوس خلني أعطيك إيها على بلاطة لو كنت عضو في لجنة المسابقات وانا رئيس نادي اصير شقودي واي نادي يدعم فريقي بلاعبين اطلب من زملائي الأعضاء على تسهيل مهمته، وأعطيه ميزة تأجيل مباريات إذا انزنق.. الا تؤيدني في الرأي؟
-طريخم العنزي-حفر الباطن
-مايحتاج تأجيل الدوري جولة وبعدها إجازة شهر!
*هالحين يامعوكس بهذلوا بدكتور الاتحاد يوم خسر الفريق كأس آسيا، الكل يحشه، لم يبقى إلا قهوجي الإدارة السابقة كي يهاجمه وينهم عمن تسبب بأربعة الكرامة واللي ورط النادي بالمشاكل لماذا لم ينتقدوه إذا كانوا فعلا يحبون (العميد) وإلا الدعوى فيها تحريك من خلف الكواليس؟
-فيصل بحلس-جدة
-ينتقدوه صعبة وبعدين يوقف المحرك!
*استاذ معوكس وش كان يقصد طلعت لامي يوم قال إن محمد نور اخطأ عندما اتصل بالبلوي في جدة والإدارة عنده باليابان، فسر لي ذلك؟
-نبيل بن طالع-الليث
-يقصد ويغني الأماكن كلها لك!
*سلامي لك واحترامي لك يامعوكس
ليش الهلاليين اجلوا التجديد مع محمد الدعيع حسب ما نشر في جريدتكم ياخي قل لهم يجددون وهم مغمضين؟
-رائد البدر- الرياض
-يتنظرون شراحيلي يغمض عين ويفتح عين!
*صراحة يابو العواكيس ما نستغني عن فزعتك ووصفتك السحرية عشان الطائي ما يدحدر يا بعد حيي للأولى ؟
-عبد اللطيف الميموني-حائل
-الطائي دحدر مافيه حيله يابعد حيي!
*دمت بخير يامعوكس
ماهو سبب الهجوم ضد رئيس الاتحاد خالد المرزوقي لاسيما ان هناك من ورط النادي ووتر علاقته مع بعض رجاله والمنافسين ما حد اظهر شجاعته زي يوم حشوا المرزوقي يعني هؤلاء تابعين أم متبوعين؟
-زهير النعمان-المدينة المنورة
-هؤلا مدارين بالريموت !
*ستندم يابو العواكيس على دخولك للإعلام، وسيأتي اليوم اللي يتداول الرياضيون صوتك عبر اليوتيوب .. زي ما صار لبعض الناس وبعدها اتحداك ترفع رأسك؟
-نواف الرويبيخ-الاحساء
-اصلا ما أكلم الا عبر تلفون أبو هندل يعني يحلمون يسجلون!
*يبدو أن حظك تعيس يامعوكس بدليل ان حاستي تقول انك لم تشاهد خط البلدة وتسمع زفرات احدهم عندما سئل عن خسارة الاتحاد لكأس آسيا لم ينقص من خلال آهاته المجلجلة إلا العزف المنفرد على السمسمية؟
-عمر السويلمي-عرعر
-ولا تفوتك الضحكة دعاية معجون اسنان مع المعسل!
*بعد التحية معكوس وش رأيك في النصر العالمي يقولون إنه في تطور وهو عدد نقاطه ست نقاط ؟
-أخوك مثيب آل مثيب-الرياض-الدار البيضاء
-تطور بثلاثة الوطني!
*السلام ابو العواكيس وش رأيك بخط الخمة بعد ان بنشر باصهم وابو سم سمية جالس يعزف على الرصيف
-اخوك لملوم-الرياض
-واللي بجنبه يمطط حنكه يابو زايد ..يابو زايد ويعزف على الناي!
*عزيزي معوكس صديقي صحن يقول لي انك هلالي من متى وانت تشجع الهلال؟
-اخوك المشجع النصراوي الوفي
لافي صالح العنزي
-من يوم سحبوا النقاط الثلاث بونش الفنية!
*يابوالعواكيس عن جد مين فيكم انت او صياد اللي يمدح السياحة في ماليزيا.
-بدر اليعقوب- القيصومة
-لا أنا ولا هو صيفنا مع أهلا أحلا!
*السيد معوكس صباح الخير الاتفاق «فارس الدهناء» يترنح في مؤخرة دوري (زين) بعد ما كان بعبعا للفرق وبطلا للخليج؟
-عبدالله العبيوي-حفرالباطن المصيف
-أما يترنح شفه المباراة الجاية كنه منتخب البرازيل!
*الحبيب معوكس تحية طيبة مادري الرياض عطوهم النصر فلوسهم
-عبدالله السنيدي - الرياض
-عطوهم حروف واختاروا «ط» طفرانين!