تسلم لنا يا ولي العهد

يا الله يا رب البشر يا مجيب السائلين
يا إله الكون يا مطلع بالخافيات
أطلبك يا الله تحفظ لنا ذرب اليمين
البطل سلطان حلال صعب المشكلات
الشجاع القائد الفارس الحر الفطين
الكريم اللي تحلت به أخيار الصفات
فخرنا اللي حطنا في مقام الأولين
هو سندنا نورنا في الليالي المظلمات
يسلم اللي له فعول تسر السامعين
قايد القوات بر وبحر وطائرات
تسلم لنا يا ولي العهد في كل حين
والله يجيرك صدوف الزمان المايلات
مخلص تسعى لدرب العلا دنيا ودين
وفي الوطن تشهد لك أفعولك المتميزات
باذل جهدك لخدمة شعوب المسلمين
دائماً تسعى لكسب العلوم الغانمات
ودايم تسهر وتتعب على طول السنين
لأجل ترفع مستوانا على كل الجهات
أبو متعب ذخرنا وانت ساعده اليمين
يعتزي بك في الرخا والأمور الكايدات
والوطن بك يفتخر يا حزام العايلين
في البراري والبلد والجبال الشامخات
بعدكم يا سيدي كل فرحان حزين
وانتمنا جيتك في الصباح وفي المبات
ننتظر جيتك لربوع شعب مخلصين
بالسلامة والسعد جعلت أيامك ثبات
لاني بشاعر ولاني من المستشعرين
بس هاجت في شجوني بيوت واضحات
صادق وأحب قول الرجال الصادقين
والمعذرة لو حصل في البيوت مخالفات
والنهاية طلبت الله رب العالمين
يشفي الشهم اللي له فعول بينات