عضيدي القاف

تمايل غصن أفكاري ومال بخافقي عنقود
وأنا أقطف للسهر عذب البيوت أبيات عذريه
أنا لو لا الشعر ما كان يطفو حلمي الموؤود
على بيض الورق لو طالب لو الجرح بعنيه
أنا لولا الشعر همي تولجني كما البارود
وغابت من خيالاتي وميض أحلام ورديه
عضيدي القاف من غيره زينته باليال السود؟!
دفا أنفاسي ضني إحساسي جهضته بكل ما فيه
أنا لولا الشعر كان (الأمل) في ناظري مفقود
قبل لا أبلغ العشرين ياكوده مات بيديه
نزفت الشعر من صغري لبسته عقدي المنضود
مطيت بصهوة جوادي مداراته وأنا بنيه
ورب البيت هوجاسي قهر في هالزمان كبود
تبي المنقود بشعاري وشيب هاجسي نيه
أنا لولا الشعر ما عاش راسي يستفز اسود
زئير إحساسها يسكن براسي ألف جنيه
وأبد لا كانت العبره في جوف الخافق الملهود
لا أنزف من شرايني.. وأروي أقلوب.. مدميه
عضيدي القاف علمني أجود اللي عليه أجود
وأنا والله لولا الشعر.. بطي الوقت منسيه
غيداء بنت سعد الناجم