قم سو ما يقعد لنا الراس يا سعود من بن خولان اليمن يالسنافي حطه على جمر الغضا وخله يجود حتى يزين الكيف والجو صافي بأرض خلا يا سعود والعلم مردود بيني وبينك هات واخذ القوافي نبي من الموروث لو شي محدود لفرسان نجد اللي لهم مجد ضافي هم فخرنا بأذكارهم يا فتى الجود قول على فعل على القلب شافي قصيدهم باقي مع الناس موجود تاريخ مخلد ولاهوب خافي عاشوا على مر الزمن عدة عقود بوقت عصيب يضيع فيه النصافي موحدين الرب عن كل معبود ويرجون منه بكل وقت الكفافي فيهم صفات المجد والعز في زود اهل الشهامة والنفوس العفافي ولهم من الحكمة مقالات وردود مثل الدرر من واقع اللي يشافي فيه الوفا والطيب شاهد ومشهود والصدق واضح ما عليه اختلافي يعد ما واجه ولا فيه منقود لو هو عدوه يظهر الحق وافي انا اشهد ان راعيه بالفعل محمود وان ذكر بيته قالت الناس كافي والشعر يحفظ في مواثيق وعهود وفي ذاكرة اهل القلوب النظافي ويبقى مع الاحفاد ورث من جدود ويستشهدون به الرجال العرافي اما الشعر في وقتنا اليوم مضهود وشعر الحداثة صار فيه انحرافي لا عاد به معنى ولا عاد به فود لو تكتب الشعار مليون قافي نايف بن سلطان بن محماس الشغار
