عواكيس

@أخ معوكس:هل انت من متابعي الدوري السوداني ؟ سفيرالحلة - الخبراء
- لا انا من متابعي دوري الحلة والسبه انت
@ ابو شنب هل تعتقد ان الكابتن مسفر القحطاني لم يعط فرصة ليعود لمستواه الرائع كما كان في الاولمبي ومن وراء عدم اعطائه الفرصة - مريم
- تصدقين من يوم قريت رسالتك قررت ماانام لين اعرف من المتسبب في عدم اعطائه الفرصة.
@كيفك عكوسي وش رايك بالخيبري انا من رايي يخلونه وانت ؟ - نصراوية معسكرة في المطبخ
- وانا بعد من رايي يخلونة بس منهم مادري
@أقوول خفوا ع البنات قبل مايجي ملاس طاير بجبهة واحد منكم!_وبعدين معكوسوه وقف زاويتك لبعد الإختبارات !! -البنت المجنونة - كريزي قيرل
- اذا عرفتي الملاس وش يستخدم له اوقف الزاوية.
@أبو العواكيس السلام عليكم أولا ما تلاحظ إن قضية الخيبري طولت تقول مسلسل سنوات الضياع ثانيا أنديتنا قوية على بعض وإذا طلعوا برا ما يرفعون الراس زي أول وآسف على الإطالة - برنس الحوطة
- دامك بتتأسف ليش تطول
@عزيزي معوكس متى تعتزل الكتابة وراح اسويلك حفل اعتزال يجنن راح يكون حديث العالم وبعدين وش في عمل المطبخ شكلك متعقد من المطبخ البنت ترسل تقول المطبخ اصلا بنات اليوم مايعرفون شكل المطبخ - الله يخلي لنا الخدم والحشم - المرسلة دلوعة باريس.
- اقطع يدي اذا تعرفين باريس وينها فيه..وماراح اعتزل لين يبطلون البنات تشجيع..وبعدين ابعرف من يسدد الفاتورة انتي والاعاشقة الهلال!
@ معوكس : وش رايك ترشح صالح فهد الطريفي نائبا لك برئاسة نادي الصريف بالربيعية بالقصيم عشان صالح قريب للنادي - صديقك أبو علي القصيم الربيعية
- بصراحة جاني عرض افضل من نادي الجريف ووافقت لاني احب التحدي.
@ أخ معكوس على قولت إخوانا المصريين (قمعة مباركة) المهم بعزمك انت وصياد ع كبسة أندومي بس لا تحجبو مسجي فديت انا خشتك - راشد العنزي - الرياض
- انا ما اقلط الا على المفاطيح اما الاندومي خله لشغالتكم
@ مرحبا معوكس انا اتوقع ان فريق واحد سيحصل عل البطولات المحلية الموسم القادم وهو الهلال وبعدين وين قرر الهلال المعسر سويسرا والا ايطاليا - عاشقة الهلال الرياض
- ايطاليا اخت سويسرا..انا اللي قاهرني انهم بيروحون للبراد وان بقعد في ذا الحر مع اني اشهر منهم!
= @معكوسي حبيبي هل تتوقع النصر يحقق بطولة . ( علي الخيبري الرياض )
- راسلني بعد سنة واقولك
@ هلا بك معكوش قصدي معكوس سؤال ليش ماتطلع رسايلي هنا وسؤال آخر وش ايميلك "أبو ضروس الحوطي ومشجع الهلال بقوة.
- اقول انتبه لضروسك لاتطيح من قوة التشجيع
@من جد معوكس وراك متسلط على البنات يعني البنت ماتشجع - اتحادية قويعية
- مشكلتي اني صريح والتشجيع خليه لطوال الشوارب مثلي.
@ سلام "أحلى بيت شعر لأحلى معوكس (وجهك يذكرني بنكبات الأسهم" أدخل على الله لاتشوفك عيوني) بدر الحربي - من ضحايا الأسهم:)
- فالك المواشي ..قصدي انعام
@اخ معوكس وش رايك بالاحتفال الكرنفالي للمدافع الغربي المعتزل يقولون غطى على السهم والذيب. فرحان الهلالي.
- ابو جميل يستاهل اكثر من احتفال
@هاي معكوسي .. أريد أخذ رأيك وهو كثرة الاصابات باللاعب ياسر القحطاني بالآونة الأخيرة وهل يعاني من ضعف اللياقة وتحياتي لك . أبو حاتم - الرياض - حي اليرموك .
- لا تلومونه ذبحته كثرة المشاركات لوه (روبوت) كان تعطل.
@ياعكوس وجهك معجبني بس تقل مضروب بعصى ولا تضحك واجد تطيح سنونك. سلمان . رياض الخبراء.
- ياحول اني مادري ليش منقهرين من وسامتي
@ معوكس أبسئلك سؤال وهو ليش ما تفسخ الثوب وتلبس البدله وتفسخ الشماغ وتلبس الكاب وتلبس نظارات شمسيه وعندي سؤالين 1"أنت هلالي ولا نصراوي والا اتحادي والا شبابي؟ 2" وشرايك بأغنية زعيم نصف الأرض لعبدالمجيد عبدالله؟ مع تحيات:أخوك. واحد يحب محمد الشلهوب وياسر القحطاني محمد الجريسي الرياض حي النسيم.
- انا هلالي ونصراوي واتحادي وشبابي واحب كل اندية الوطن.
@ معوكس ابسألك خاصة مع اللوك الجديد وش عندك مميل العقال يسار وكاد انك من ربعنا - ابوفارس الشمري حايل
- ماميلتة بس يوم اصور كانت رقبتي تعورني
@أخ معوكس: شكل وجهك كله براءة لكن ردودك ماتدل على طبيعة وجهك - بدر العنزي،حي السلي
- مادري ليه عندي احساس انك تسبني
@مادام ان حكيكم كله عن الرياضة ليش ما تلبس ترنق (متابع معوكس)
- الحين وانا رسمي ذبحوني المعجبين وشلون لو البس ترنق
@ معوكس الغالي.. وش رايك لو يستمر ناصر الجوهر مدرباً لمنتخبنا بعقد طويل الأجل (متأثر بحليب نادك) أخوك: رغباوي والقلب هاوي
- ابشرك انه بيستمر بس بيني وبينك ماظنيت انه بيطول لان ربعنا مايجوزون عن الاجنبي
@أخوي معوكس وش ردة فعل ام عيالك إذا رديت على البنات بعواكيس ما تغار ولا تدافع عن البنات اذا رديت عليهن بسالفة المطبخ . صديقك القديم الجديد - حاشر زوجته بالمطبخ .
- اما حاشر كثر منها ولاتنسى تجيب الغدى معك.
@ أقول معكوس وش تبي في مطبخنا ؟"عادتصدق مدري في أي دور!!" وبعدين وش هاالتطوروش سالفة كورلافة شكلهاللأذكياء(ورى ماتحطني معهم) هلاليه من القويعية
- انتي قلتيها للاذكياء فقط!!
كور لافه
الاخ العزيز معاذ الحميد: نظراً لانك احسن واحد يراسلني قررت تكريمك بوضع اسمك في كور لافه.
الاخت بنت الشيوخ مخاوية الدلوخ المطبخ ابركلك من المقارنات.