عواكيس

@ هاي عواكيس.. وش رايك في المنتخب السعودي ولعب عبدالله سامي الجابر
- عاشقة الجنة، بريدة
@@ سؤالك بأثر مستقبلي
@ معوكس: وش رايك ترأس نادي الصريف بالربيعية بالقصيم كأول رئيس بعد تأسيس هذا النادي ولنا الشرف
- صديقك صالح فهد الطريفي القصيم، الربيعية
@@ ورواتب اللاعبين كليجا والمكافآت سكري
@ معوكس مارديت علي وش تشجع من الأندية (العالمي، الليوث، العميد) وطبعاً آخر فريق هلال
- مراسلتك نصراوية متعصبة
@@ بصراحة أنا ميولي اجنبيه واي فريق يجيب رونالدو بشجعه
@ أخ معوكس أبي أقهر اللي يقهر النصر العالمي وحده بوحده والباقي اظلم وسلامتك
- مراسلتكم، عاشق النصر
@@ تبطين عظم وعلى طاري العظم يمدحون المطبخ يالعاشقة
@ اخ معوكس: بما انك تفهم في كل شيء ما رايك في عدم نقل مباراة المنتخب مع لبنان بالرغم من كونها في تصفيات كأس العالم؟
- سفير الحلة، الخبراء
@@ عشان تروح تشوف المباراة في الملعب والا بمقهى
@ سلام يا معوكس أول مرة ارسل لك المهم رد علي بصراحة ما تشوف ان سعد الحارثي من بدأ يلعب برجله اليسار بيقيلد راؤول بالغصب
- أبو سعود، حي النسيم
@@ عقب ما وقع لو يلعب بيدينه ما عليك منه
@ هاي ليش شانين حرب انت ومراسلينك على البنات وعلى فكرة حضرت اعتزال الكابتن ماجد عبدالله عالمدرجات وفزنا؟ أما المطبخ اخوي الهلالي تكفل به سؤال من زمان محيرني؟ انت من سكان الرياض حي منفوحة؟
- نصراوية حزينة، شقراء
@@ افلقيني إذا ما كان طبخك ماله طعم مثل سؤالك
@ هلا أبو العواكس تكفى طلبتك حلق الشنب وتعال في البيت عشان نروح المستشفى أتبرعلك بدم؟
- هلالية وافتخر
@@ أخاف بعد التبرع يخرب طبعي واصير نواعمي
@ مرحباً عكوسي يا أخي الحلاق اللي تحلق عنده (فاشل) شف زلوفك وشلون شكلهن
- مراسلك: شمالي والراس عالي الشعبة
@@ الناس وصلت للقمر وانت تقول "زلوفك" يالقديم
@ معوكس ايش رايك في الاتحاد قبل وبعد والنصر قبل وبعد والهلال بعد وقبل مو قبل وبعد
- نايف مغرم عاشق الاتحاد
@@ عمليات تجميل ياللي اسمك يوزر مسلسل تركي
@ هلا بالشريطي معوكس انا أخبر ان اللي يحط بفمه منقاش يا انه توه ماكل مفطح أو ماكل تونه
- عاشق النواشف، رياض الخبراء
@@ وأنا أقول ليش خطك ضعيف
@ الأخ أبو العواكيس: سمعت أنهم بيستضيفونك في برنامج (كلام نواعم) وش الطاري على هالروحة
- أخوك المرسل مشمش طري مبلول
@@ صباح الخير
@ عزيزي الكابتن معوكس ما تلاحظ في الفترة الأخيرة خصوصاً عقب اللوك الجديد ذلي بعود أسنان كثروا اخواتنا المشاركات
- أخوك عاشق الميلان
@@ شفتوا فايدة الضروس ويا خوفي "شباب التحلية" يقلدوني
@ هلا والله معوكس ابسألك سؤال هل أنت حزين مثلي على رحيل الرئيس الذهبي الظاهرة الأمير محمد بن فيصل (وهل تتوقع راح يجي رئيس أحسن منه
- كثري منها أختكم هلالية من القويعية
@@ وين حزين والنادي بيوصل للعالمية وبعدين مطبخ بينكم في أي دور
@ مستر الدوق الرياضي معوكس حنى بعام ألفين وشويات مبهرة بكسور بس الكورة اللي فوق يمين الصفحة من عام الأنجيلة "مزلطة ركب الشهبان" ما فكرتوا تشوتونها وتستنترون وحدة من حقات يورو الجديدة
- متابعك من بعيد فيصل أبو شنب
@@ يا شين التقليد يا بو شنب
@ معوكس كيف حالك يا خوي ابسألك سؤالين الأول وش رايك في الزعيم الموسم الجاي يقدر يجيب كأس آسيا.. السؤال الثاني وش رايك في موجة غلا الرز؟
- يزيد الدهيش، الرياض
@@ غلا الرز منعاً لانتشار ظاهرة "الكروش"
@ هلا معوكس رديت فيك قصيدة.. يا سلام في كل معوكس يا هادي يا مهجوس أقول يا ضعف لبنان بس
- عبدالله بن محمد الرويس، الدوادمي
@@ فالك طريق ماسل
@ أخ معوكس رحيل سامي عن الملاعب أفرح كثير من الشباك؟ متى يجيها الفرج ونشوف هداف من طراز ساميو
- (عاشق سام 6تركي سعد المطوع)
@@ أجل كان يمزعها
@ الأخ العزيز معوكس أنا من أكثر المتابعين لك ومن أشد المعجبين بك لكن للأسف بالوقت الأخير ردودك صارت عادية جداً يمكن أنها تطفش القراء منك ياليت تراجع نفسك ولا تزعل مني لأن لولا غلاك ما قلت لك وتقبل تحياتي
- أخوك أحمد السليمان الزلفي
@@ لولا غلاي أجل مطيح الميانة
@ معوكس كيفك يقولون لجنة الحكام مسوين معسكر بالمجروش السالفة لا يكون ضارب معهم فيوز
- صديقك أبو (عيون مبحلقة) عبدالله الشلاحي
@@ الا عيونك وش مبحلقه فيه
@ هاي أبو العواكيس.. أنت تقول إذا سويتوا لي احتفال بجي ألحق هالأيام ترى فيه احتفالات وحركتات تجوز لشواربك البنت ملزمة أنك تجي.. وقلي وش رايك بالتون؟!
- نصراوية وقويعية
@@ اجل جهزو المفاطيح.. ترى أنا وايلتون نحبها
@ معوكس بصراحة كنت باتكفل بحفل لك بس هونت ليه غيرتوا بمسجي وبعد "صديقك" اهي جرحت مشاعري أنا بنت! وليه سفير الحلة مسجه قبلي؟ ما سمعتوا (ليديز فرست) انتباه إننا نعاني من الهجوم من صياد الضبان
- كرييزي قيرل
@@ لا تلومني ثقافتي نيباليه
@ هاااي معوكس.. وشرايك بالمستوى الرياضي إلى وصل له نادي النصر (العالمي) ووش تقول لنا يا جماهيره
- اختك إحدى أعضاء رابطة مشجعي العالمي "بنت سدير"
@@ اقول ماتبون رئيس لرابطتكم
@ صديقي معوكس: تصدق شفت في مباراة الهلال مشجع يشبهك تماماً شنب وضروس وعقالك سلمت عليه قلت كيفك معوكس ضحك ورد بخير هو انت ولا شبيه؟
- صديقك الدائم معاذ الحميد، مرات
@@ المباراة في الليل والا النهار