عواكيس 30/5/2008

@ سلم لم كيفك معكوستي؟؟ أقول صدق طلبوك تسوي دعايه لمعجون أسنان ورفضت؟!! ما أسباب رفضك؟ هل هي زوجتك تغار أم ماذا؟.
(كريزي قيرل)
- للأسف اكتشفوا ان عندي "تسوس" وقبضوني الباب
@ الى معوكس بعد التحية والسلام ودي اسألك سؤالاً محيرني من زمان؟ هل انت من سكان الرياض بحي منفوحة؟ صديقك الدائم - عبدالرحمن بن سليمان العقيل؟
- لا تكون شايفني في حراج بن قاسم
@ اقول يابو العواكيس ما تلاحظ ان ربعنا ما عرفوا الاعتزال الا من بعد الشركة الراعية ولو اتحدوا على الشركة الي انت خابر ماظنتي احد يعتزل.
"معزبك - مبسوط - المصيف"
- ماصار الا عقب كارثة "زوغبي"
@ تصدق اني احس انك امهبول.
ابو سفير - القصيم
- لا اكون "عازف سمسمية" وأنا مدري
@ يا معوكس الغفلة: ليش ما تعطي باقي الالعاب وجه، يعني فريق الموج الكرة الطائرة تعرفه، وتراني غثيتك لكن من الحب ما..... "سفير الحلة - الخبراء".
- الموج وطائرة ناقص تقول عندكم مزاين سمك
@ الى العزيز أبو ضروس انا صراحه ارشحك انك تكون كاتباً في الفرنس فوتبول العالمية.
محمد العتيبي - ساجر
- فرانسوان مثيران وامراتو
@ عزيز معوكس وش رايك بهذه العبارة تكفون يا اعضاء الشرف اتحدوا من اجل النصر.
صديق صحن المشجع النصراوي الوفي- لافي صالح العنزي
- الوفي لافي اسم مسلسل اردني قادم
@ ما رأيك بسمير نصري في الارسنال بجانب سيسك فابريجاس؟؟
اخوك - الكوبرا
- العيال كبرت صارت تعرف فابريجاس بعد
@ من هو افضل لعب في الكرة السعودية من هذا الاعبين: 1- ياسر القحطاني 2- ناصر الشمراني 3- مالك معاذ 4- سعد الحارثي..
"عاشق الزعيم الهلال"
- بدل بين الرقمين 2و
3@ معوكس كيف الحال اتضح جليا ان الطالب البليد الذي يتم دعمه في الاختبارات الشهرية يسقط في النهائي!
"سعود العتيبي - الرياض".
- قصيدتك مدفونة وفالك الدائري الجنوبي
@ شبيه رونالدو معوكس: السلام عليكم: هل صحيح ان برشلونه هرب من مقابلة الاتحاد بعد هزيمة منافسه ريال مدريد أمام النصر برباعية!!
"بدر فهد السريع (ريفو الصغير)"
- الا مشترطين حضور "خريش" ويوم عرفوا باعتزاله انسحبوا
@ وش رايك يوم زيدان ينطح ماتيرادزي؟..
يزيد الكويليت
- وتكاثرت الأتربة والغبار على جبال الألب
@ هلا معوكس ابي شنبي يصير مثلك.. وش اسوي..
اخوك: "عاشق السطوح"
- عليك بالسمن
@ ارسلت لك رسالة ووجدتها في اخر المكان المخصص لك ولكن عزائي انك انت في اسفل اخر صفحة في الملحق المرسل: "ودي اشوف النصر فائز بدوري"
- ورديت عليك رد نفسي قسم التصحيح يحذفونه
@ عزيزي معوكس بعد التحية وش رايك في بعض اللاعبين اللي يساومون انديتهم وبعد ما يجددون عقودهم بالمبالغ الخيالية ويستلمون الملايين يعتذرون عن مواصلة المشوار والفريق امامه مباريات حاسمة وفي أمس الحاجة لهم - ليش ما اعتذروا عن عدم الحضور لتوقيع العقد واستلام الملايين؟! ..
"اسعد عمر قلي صك الباب" من الحوطة
- اكيد خالك "لف يمين وتمهل"
@ الاخ معوكس بعد التحية كم علك ياكل حمد المنتشري في كل مباراة؟! ..
العفريت من الحوطة
- مع كل هدف في النتيف يغير العلكة وبعدين خريش قابله كل ما كثرت من العلك تاخذ جائزة في نهاية الموسم
@ وش رايك اي احسن مهرجان سامي الجابر او ماجد عبدالله وش رايك بي كريستيانورونالدو أخوك - عمر السويكت
- الاثنين احلى من بعض
@ وش رأيك بالمنشد حامد الضبعان..
آخر العنقود
- اقطع يميني انك تقرب له
@ عزيزي معوكس وش رايك في مستوى الهلال (الزعيم) هذا الموسم..
صديقك: فيصل الهلالي
يحول السؤال لمنصة الدوري وكأس ولي العهد
@ السلام عليك معوكس وش رايك بجماهير النصر فضحونا قدام حارس ريال مدريد كاسياس وهقوين بالليزر تتوقع وش بيقولون عنا بأسبانيا؟
"انا صديقك (ابو عيون مبحلقه) عبدالله المطيري - الرياض"
- ودي انك من يسلط عليه الليزر انت وعيونك
@ اخوي ابو العواكيس السلام عليكم فيه لاعب واحد لو يطب بثوبه سجل هدف من هو اللاعب؟ ارجو الاجابة وشكراً. اخوك: أبو فهد الحمين - الرياض
أكيد واحد يلعب في ملعب فاضي والا الفريق الثاني "عميان"
@ معكوس مرحبا ياليت شارك السلومي مع ريال مدريد لا تفهمني صح..
"متابع منذ زمن المذنب"
- فهمتك غلط!