فلاش

إتصل واحد قبل كم يوم وقال أنا من أحد المحافظات في شمال المملكة ومثلك عارف اللي ساكن في مدينة أو قرية صغيرة الكل عارف الثاني.. المشكلة إن الفاس وقع بالراس وهالحين.. مادري وش أقولك.. حنا بلانا الله بأخو.. كان جيد وذرب.. لكن الخمر والمخدرات ما تعرف صغير ولا كبير.. المهم إن أخوي من زمان وهو يشرب وكان مزعجنا ومزعج أبوي وأمي خصوصاً بآخر الليل حتى الناس مزعجهم بالاتصالات.. وحنا ننصحه والله ما نبغى الفضيحة.. وبعده طاح بالحبوب والحشيش إلين صار يسرق من محلاتنا وأنت تعرف نشاطنا تجارة.. والظاهر انه متعود على هالحال من زمان.. بس البارح البارح إتصلوا علينا الشرطة وقالوا: عندنا ولدكم ممسوك بقضية مخدرات وسرقة.
قلتله لو إنكم من أول أخذتوا أخوكم وعالجتوه ما كان حصل اللي حصل.. هذي مشكلتنا للأسف أكثر الأسر ما تطلب المساعدة إلا إذا فات الفوت.. ولا (قبل) ما نسمع إلا.. أتركوه.. لاتعالجونه.. مانبي فضايح.. ومانبي أحد يدري.. وهذي مشكلتنا.. ويالله سترك.
الأبرق