الشعب ينعم في أمان وفي سعه

جده موحد مملكتنا بالخيول
هو والرجال المخلصين اللي معه
من يومها والخير كله في هطول
والشعب ينعم في أمان وفي سعه
وهذا الحفيد الداهية شال الحمول
يومه خذا نهج الحكم من منبعه
تم ابتدا رؤية يميزها الشمول
وأكثر وضوح من البدر في مطلعه
عمت نواحي المملكة عرض وطول
والمملكة جغرافيا متنوعه
فيها تفاصيل المناخ أربع فصول
متوزعة بين الجهات الأربعة
قام الأمير يخاطب الشعب ويقول
والشعب منصت والعبارة مسمعه:
ماهو بوقتك يا التراخي والخمول
اليوم يومك يا العقول المبدعة
للمعضلة ما عنده أنصاف الحلول
الحل كله يبتدعه ويصنعه
تسمع كلامه لا بغيته .. ف الفعول
ما فيه وقت في الكلام يضيعه
وان خاطب العالم تغشاها الذهول
تنصت له الدنيا احترام .. وتسمعه
والراي رايه يوم تحتار العقول
شوره تلبيه العقول وتتبعه
والنفط الاسود في طلوع وفي نزول
حسب اتجاهات الإشارة ب اصبعه
في قلوب شعبه ربي أعطاه القبول
سبحان من يعطي القبول ويمنعه