أبو وجنة متخالطنبه حَمار وثلج وشفاته تلذع من حلاها تقل جمره

كتب بيت الأسبوع الشاعر عبدالعزيز الصقيري وهو بيت غزلي رائع والذي يقول:
أبو وجنة متخالطنبه حمار وثلج
وشفاته تلذع من حلاها تقل جمره
وقد ألهب هذا البيت بقافيته الصعبة والوصف الجميل عددا من الشعراء المتمكنين ومنهم :
أنا مثل أبوطلال أهوى البنات البلج
وأخص الهنوف اللي خدوده بها حمره
عليها طبوع مثل طبع البكار الخلج
وهي عند أبوها من صغر ما عصت ل أمره
وصوفه مثل وضحا أبوسالم فلاح الصلج
لاهو بل لها الراعي غلا وذهلت عمره
خلف العجلان بن رمال - حايل
أبو وجنة متخالط به حمار وثلج
وشفاته تلذع من حلاها تقل جمره
إلى ضحك لي باللي بلون بْرديّةْ، فِلج
أقول الحظيظ اللي يقضّي معه سَمْره
ويا حنّ قلبي له مثل ما تحنّ الخِلج
على حوارها اللي فاتها وانتهى عمره
أنا كلما شفت الوجيه الحسان البِلج
أغنّي بقول اللي هوى واشتهر أمره
وباب الهوى مفتوح، ما قطّ يومٍ زِلْج
ولا هوب ممنوعٍ على اللي بهم سُمْره
محمد مقحم المقحم - الرياض.
هلا بالصقيري واعجبن قافه اللي الج
وأنا مثله أعشق من خلط صفرته حمره
مربرب من أدنى الخصر تدلج خطاها دلج
بعضها بدين وبعضها ذاك يا ضمره
عيد فريح البادي - حايل
ما ألوم الصقيري لو شكى حب راع الثلج
ولا ألوم بصري حجته مدري العمره
يوم أنه يشوف اللي بزينه خلجته خلج
ورجع والله أعلم حالته كيف مندمره
مطير عبدالله البشير - الجوف
ذكرتنا يا خوي في حالي الهرج
وأجبرتنا نرجع لأمر مضى أمره
وصايف المزيون مدموجة دمج
للمبتلي ما خلت أمرٍ ولا دِبره
سعود عائش الخربي - جدة
عرضلي على دربي وأنا بالقدم اسج
هنوفٍ على رأس القدم تقصر النظره
علامه بنظرتها شرفها لها منهج
عليها ملامح للستر والستر فطره
بعيده عن اللي شفهم في بنات الغنج
سعوّديةٍ في دينها تكسب الشّهره
مشعل بن صنت العصيمي - الخرج
والعين حورا من شافها صابه الخلج
تمشي مشيا الحمامة وتقصر الجرة
والعنق عنق الغزال وسنونها فلج
الوكاد تغار منها كل بيضاء وسمره
صالح السالمي - القصيم
بديته بقاف حرف بدعه على الج
يابووجه صافي قمروبرقه الحمره
مثل نورالصباح لاانبلج نورها بلج
ريقه الحالي عسل صافي تقل خمره
ابوقدهايف شايل للردايف لها فلج
الى سلهم بعينه اتمثل فدى عمره
وجودي عليهاوجد اللي على حوارهاخلج
هنوف غنوج لعوب والهوى سمره
حمد عبدالله الوايلي - حوطة سدير
يا ليتنا والجميله ساكنين ابرج
وصفك لها يالصقيري امتاز بالمره
واخذبها جولتٍ فالعصرفوق الرنج
واعوذبالله من الحاسدومن شره
واجيب له ساعيه فالبحر باقي لنج
هني من صاد قبل الموت هالدره
محمد عبدالله الشهري - جبل اثرب
بيت الأسبوع
طرحه للمجاراة في زاوية بيت وصدى الشاعر محمد عياد ويقول:
جيتك عقب بذ الخفا يابس الريق
الجية اللي ضيع الله جهدها
نستقبل صدى البيت خلال ثلاثة أيام
من نشر البيت المطروح على إيميل الصفحة:
rb-khozama@alriyadh.com