وردة الكاسه

انتي مساء الورد . وانتي عاطر أنفاسه
وانتي صبا الليل . وانتي برقه الساري
وانتي ضياء البدر. وانتي رقة أحساسه
وانتي غدير الحنان . ونهره الجاري
كل المرايا تلالا . وانتي الماسه
خسران من باعها . والرابح الشاري
يسرح خيالي ولكن وردة الكاسه
أشوفها تبتسم مدري وش الطاري
عشقت وجهك وحرت بفهم نعاسه
نظراتها تستهيف . وردها ناري
وجتك المشاعر رشيقة غصن مياسه
تكتب من اجلك . وفيها يعجب القاري
والشعر قدام حسنك ينحني راسه
تدري جميع الدفاتر . والقلم داري
والقلب ضمك بوسطه واغلق اقواسه
عن حر شمس النهار . ولافح الذاري
رفعت صرح الهوى . ومثبت ساسه
جيته بكل ارتياح . وعشته أجباري
أن دام عهده عسا ، وان دقة أجراسه
هاذي ظروف الحياه . وحكمة الباري