مرت ثمان سنين والدار في زود في ظل سلمان ارغدي ياوطنا

في الثالث من شهر ربيع الآخر لعام 1444 نحتفل سويا بمناسبة غالية على الوطن ألا وهي الذكرى الثامنة لتولي خادم الحرمين الشريفين الملك سلمان بن عبدالعزيز آل سعود -حفظه الله- مقاليد الحكم وهي ذكرى نسعد بها ونتطلع إليها وبيت الأسبوع هذا خاص بها والبيت لمعد هذه الزاوية عادي بن رجا بن رمال ويقول:
مرت ثمان سنين والدار في زود
في ظل سلمان ارغدي ياوطنا
وكان صدى البيت من الشعراء أكثر من رائع:
له الولاء منا عهد سلم لجدود
مليكنا ظل على كل اهلنا
ويسلم عضيده محمد راعي الجود
ولي عهده عز فينا ومنا
صالح البشري - الرياض
الله يديم العز ويسلم الطود
الشامخ اللي شايل الحمل عنا
سلمان ستر الدار عن ذاري النود
لكم الولا ياسيد الدار منا
مرت ثمان وكنهن يوم معدود
امن ورخا يالله تجازيه عنا
خالد المرشود-- الرياض
مبايعينك ياملكنا بلا حدود
ياعزنا ياذخرنا وانت املنا
مرن ثمان بخير وامان وسهود
وحن جنود الدار للعهد صنا
سطم فهد الخليل - الرياض
يالله يامعبود ياخير معبود
احفظ ملكنا وابعد الشر عنا
ومبايعينه كانها سهود ومهود
والا بعد كان الزمان امتحنا
حاتم الشاهر - الرياض
من فضل ربي كلها سهود ومهود
من حكم سلمان العروبه وحنا
بنعمه مريفه في الوطن مالها حدود
ورؤيا عظيمه جت على ماتمنا
ويادار دام العز وسلمان موجود
دامت افراح المجد منا ومنا
ودام التطور والفخر وارقي سنود
ومجد الحضارة مع قصور تبنا
وياسيدي سلمان يامنبع الجود
في ظلكم وبك العروبه تغنا
حمد عبدالله الوايلي - حوطة سدير
ثمان سمان واعساها لنا تعود
رغد و سعد والجوائح خطنا
في ظل حاكم دارنا جعله بزود
الخير والخيرات منا ومنا
*محمد صالح الحربي - الرياض
حنا سعوديّن في زود ونسود
على الشرف والعز حنا قطنا
هذي ثمان سنين والخير مشهود
بحكم الملك سلمان ماحّد ٍشطنا
رايه وسيفه يحتمي كل مضهود
وغبر الليالي فالوطن ماوطنا
مشعل بن صنت العصيمي/الخرج