ليا من نامت عيونك انا كني شبعت رقاد

ليامن نامت عيونك انا كني شبعت رقاد
ابسهر بس من شانك ونامي يا نظر عيني
يا ليتك تمكنين الجرح في وسط الخفوق ازداد
تري جرحك ليامن طالت المده بيفنيني
تمنيتك بكت روحي تخيلتك بعد ما فاد
متى شفتك عشان اتصورك يا كل غاليني
حبيبة قلبي اطلب منك طلبه والجواب امراد
ابي منك اذا خانتني الدنيا تراعيني
ابي منك وصل عشاق يشعل غيرة الحساد
ابي منك بليا (نت) باحساسك تدفيني
ابي منك انا وانتي نسطر صفحة الامجاد
ابي منك غرامن ينتهي با القرب رسيني
ابي قلبك معي دايم وابي وصلك على الميعاد
ابيك بجنبي اتهنى بقربك لا تخليني
انا من ناس لاجاء ذكرهم قالوا رجال اجواد
ما اخون اللي حفظ ودي وعندي لك براهيني
انا لي سيرتن بيضاء مع المداح والنقاد
ماهو مدحن لنفسي بس ابي منك تعرفيني
تعرفيني بعيد عن الغرور ونزوة الافراد
متى ما تعرفيني زين اكيد انك تحبيني
أحمد عبدالله الجريفاني