صوره من أيام الكفاح المجيده يوم البساطه بين أهل وحبايب

موروث من الماضي له النفس تشتاق
حريم تقرص فوق صاج الحديده
وتصفّط القرصان شلافٍ ورقاق
في المحفرة يحفظ ليالٍ عديده
من قمح بر مكتمل مرتوي الساق
صما يصلح منه قرص وعصيده
والسقا حديد معلق له بمعلاق
فيه اللبن طازج حسب ما تريده
سعود عبدالعزيز الهزاع - نعام
يا ليت ما نهواه نقدر نعيده
لا صار له مدّه عن العين غايب
صوره من أيام الكفاح المجيده
يوم البساطه بين أهل وحبايب
قرصان خبزٍ فوق صاج الحديده
من تحتها نار الحطب والنصايب
ما حافها عامل ولا لمستِ إِيْده
شغل الحريم البارعات النجايب
من ماضِيٍ ذكراه ماهي بعيده
رغم الفقِر كل بما حاش طايب
ناصر جمعان آل عوض - وادي الدواسر
مشهد طبيعي نحتاج له صدق نحتاج
كلش طبيعه واضح اليوم تذكار
المرّ والحالي وخيزٍ على الصاج
جمّع بنات أجواد في ربعة الدار
البعض جن زوّار والبعض هرّاج
توسيع صدرٍ مع سواليف الأخيار
والدار من طينٍ وكهبرهم اسراج
قسوة ظروفٍ ولّدت عزم وأحرار
سعود عائش الحربي - جدة
راح الزمان اللي به الزاد له ذوق
على الحطب قرصان محلا طعمها
المقرصه تحتها الجمر كنه بروق
يضوي سنا نوره من بين حطبها
واللي تسويهن لها الطبخ مفروق
بنتٍ سخيه من يوم ربي خلقها
ياما أكلنا منه حنيني ومرقوق
وله لذة يا زينها مع مرقها
خالد ناصر المخيمر - روضة سدير
الخبز والم ياهل الضيف والكار
ماجاه من زود الاضافه خميره
توّه مجهّز من على شبت الناّر
من فوق صاج والمتارف تديره
خبزاً على كيفك ولا فيه اعذار
اقرب تفضل خل عنك المحيره
حمد عبدالله الوايلي - حوطة سدير
الأم تخبز خبز صالي على النّار
له نكهةٍ يا ناس غيراً .. وذوق
خلطه عجيبه سر من ضمن الأسرار
والخبز يحلى يوم ما هو بمحروق
سطام الهذال
الجيل الاول على القرصان
ما كول صحي ويلقونه
مشهور من ماضي الازمان
دقيق براً يعجنونه
يحبّه صغار والشيبان
له لذّةٍ ما يخلونه
سليمان عبدالعزيز السنيدي - الرياض
الصورة اللي شوقتنيي لثنتين
ولا عليّ في شوقهن من ملاما
الاوله تعليق ساق ام عصبين
في سدرةٍ بين النفل والخزامى
والثانية صفرٍ على النّار صفين
امهيّله وتدور بين النشاما
في مجلسٍ ما يدهله غير غالين
بساطة التقدير وأيضا احتراما
محمد عواض العرابي
مجتمعاتٍ جنب صاجٍ وتنوّر
الكل مهن بالعمل في سعاده
هذا هو اللي يبهج القلب وسرور
حسن العمل واجب ويبغى زياده
سعد ناصر المسفر
زين العمل فيه الفوائد والأثمار
مكاسب الرحمن جزل العطيّه
والنوم ما به خير ما زاد الأعمار
شوفوا نشاط البنت صبح وعشيّه
بشائر القحطاني - الرياض
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
ويا هلا..
صورة العدد السابق
Your browser does not support the video tag.