ياليل يامضمد قلوب المجاريح

اللي لهم مع هجعة الليل ميعاد
في ليلة فيها النجوم المدابيح
قامت تهاوى واقبل الصبح منقاد
وقامت تلمح للعشاشيق تلميح
الليل طرف والوله قام يزداد
على وليف جرح القلب تجريح
تحت جناح الليل قفى ولا عاد
خشف دخل قلبي بليا مفاتيح
وقام يتمرجح بين صادر ووراد
ياشبه ريم جفله عاصف الريح
ولا تذير من تفافيق صياد
وأبو عيون ناعسات ذوابيح
وابو جديل فوق الأرداف منقاد
وخد سنا ضوحه سوات المصابيح
ولا مثل برق تقفاه رعاد
أرفق على قلبي ورا وصلك شحيح
أطلق عنان الوصل ياغض الانهاد
لوماحصل عقب البطاء كود تلميح
شوفتك عندي كنها ليل الآعياد
ووراك ياليل الشقى والتباريح
وراك في حقي تزايدت بعناد
حمدي بن حمود العتيبي