صارت حياتي بدون أفراح

شكيت فرقا وليفٍ راح
يا ويل قلبي من جروحه
حبَّه جرحني بغير اسلاح
فقدت قربه مع امزوحه
لا غبت عني عزاي انياح
مسكين صدرٍ ظهر بوحه
لبست بالحزن منك وشاح
راع الهوى غادرت روحه
والسد من زود هجرك باح
من قبل لا نبي صروحه
بدرب الزلق حظ خلَّك طاح
من سبتك ضاع مصلوحه
يا بو عيونٍ هدبها رماح
والوجه .. مثل البدر ضوحه
والعطر .. وسط الملابس فاح
فيها الحلا الزين ممدوحه
والبرق .. بين الشفايف لاح
يا زينها بالحيل مملوحه
صبرت والقلب فيه اجراح
ومن السهر زايدٍ فوحه
صفقت بالراح بطن الراح
وأتعبتني جيّه وروحه
في بحركم يتعب السباح
مركب هواي انشطر لوحه
صارت حياتي بدون أفراح
ويلاه .. قلبي كثر نوحه
وفقدت أنا الصاحب المزّاح
راحت ولا هيب مسموحه