اليوم ذكرى توحيد الوطن على شرع الإله

يا هاجسي هات القصيد اللي يشد الانتباه
ماني باحب القافيه والكلمه المستهلكه
الشاعر الموهوب يتعب لين يوصل مبتغاه
وشعر ماهو في خدمة الاسلام مافيه ابركه
يالله تعز اللي يعز الدين شوره وتحماه
وانك تديم الأمن والإيمان بانحاء المملكه
واحفظ لنا حكامنا بنوك المراجل والغناه
هم نصرة المظلوم لا ضده خصيمه وادركه
واجعل لنا يا ربنا من كل مكروه نجاه
وبارك لنا في كل درب نعتليه ونسلكه
في ظل من خلا امة محمد بنفس الاتجاه
بعد اختلاف كاد يرميها طريق التهلكه
قاد التحالف وانقذ الموقف وعين الله تراه
بالحزم والعزم ادرك اللي عجز غيره يدركه
ابو فهد عاد الأمل عسى معادينه فداه
سطر تاريخ من ذهب عوق الخصيم ومهلكه
افعاله العطره ما تحصيها المطابع والرواه
يوم ان غيره من فعول الطيب كفه يفركه
وابونايف ولي العهد مطوع رقاب العصاه
له نظرة قلب المعادي لا بصرها تربكه
محنك ومقدام في الشدات ما يلحق مداه
ومخطط الارهاب وقَف له بعزم وفككه
وابو سلمان محمد اللي من بداية مبتداه
له نظرة صفق لها اصحاب العقول المدركه
قائد رجال ما تهاب الحرب لادارت رحاه
قدام ما ترجع ورى حتى تحسم المعركه
جحافل جيوش تحب الموت وتبيع الحياه
شعارهم يفدا وطنا كل غالي نملكه
واليوم ذكرى توحيد الوطن على شرع الإله
نجدد البيعه وميثاق الولاء ما نتركه
ونذكر زعيم جمع شتات الوطن واحكم بناه
بداية النصر الحقيقي قادها من مصمكه
علي بن سالم ابوظهير