سلام يا شعب اليمن ياهل الشريعه والسلام =من خادم البيتين والشعب الخليجي باكمله . سلام يحمل في مضامينه تحيه واحترام =للي لهم في ساعة الشدات فعل ومرجله . حنا مزبنة الدخيل اليا نخانا ما يضام =دونه على حوض الوغى نقبل ولا شي يزعله . حنا لكم حنا لكم والنور جلاي الظلام =صبر الخليجي فايض مما يحاك بمهزله. افعالنا واقولنا ماهي بحي الله كلام =ياهادي ابشر بالفرج والعلم عنا وازهله. باذن الله انا عند حسن الضن في قدر ومقام =وابشر بنصرك ياولد منصور للماقف هله ماسجل التاريخ فينا طائفيه وانقسام =والفرس جابوا قلقله. واحنا لهم بالزلزله عدونا واحد نعرفه زين في شرق وشام =يبطي عظم وارض الخليجي واليمن ما ينزله. ياهادي اصبر واحتزم فينا وحنا لك حزام =اشعوبنا ملت من افعال الردى والبلبله. سلمان لبا صوت من يدعيه يوم الحظ قام =وخطط وقرر وارتكى .والراس فيه مهيله. لبيه يامن قاد له سرب على متن الغمام=واسماه في حزم الرجال اللي تفك المعضله وبنذكر الحوثي قبل ما يقرب ال ميتين عام =في مجلمه يوم الجماجم بالسيوف محوله. حلف اقحطان وادعه ومعهم عسير الهول قام =والدرب من باقم على صعده وجات المذهله انذكر اللي يحتزم للحرب قي عود البشام =انذكره فيما مضى ذيك السنين الاوله وبنعلمه ذاليوم في حلف الخليج اللي تمام =ويعلم اسياده بانا فالحرووب مهبله تطمنوا ياهل الشر يعه باليمن النصر حام =وانتوا على طرد الغزاه اشاوس ومتوكله. ابو فهد يأكد لكم عودة بلدكم للنظام =كلمته لامن قالها يوفي بها وتجمله هذا سليل الشايب اللي سيفه يقص العظام =الصدق تاوم منطقه والكذب ماهو يقبله نأكد لكم انا لكم ذخر وسند قبل الختام =وسلام سلمان الفخر في هالقصيده ننقله سلام ياشعب اليمن ياهل الشريعه والسلام =من خادم البيتين والشعب الخليجي باكمله سلام يحمل في مضامينه تحيه واحترام=للي لهم في ساعة الشدات عزم ومرجله مشبب البشري
