اليا طغوا اهل الفتن نضرب بيدّ ٍمن حديد

ياللي تبي تعبث بأمن المملكة خلك بعيد
المملكة في أرضها شعب ٍ يحب ولاتها
شعب ٍمبايعهم على سمع ٍ وطاعه ما يحيد
على لسانه ( سارعي للمجد ) كل اوقاتها
من على وقت المؤسس باني المجد التليد
وراية التوحيد تخفق من على لبناتها
اليا طغوا اهل الفتن نضرب بيدّ ٍ من حديد
نمشي على منهاجنا ما نلتفت لاصواتها
اللي تبث سمومها وافكارها مثل الصديد
واللي تخزّن شرها وسمومها في قاتها
واللي تزعزع أمننا واللي لها دين ٍجديد
حتى وهي في وكرها أسود نايف جاتها
تبطون يا أهل الفتن حب الوطن وسط الوريد
يسري غلاه بدمنا ما هو بحكي حكاتها
من تحْت راية صاحب الحكمة وذو الراي السديد
اللي يدينه بالعطا تطول في مداتها
سلمان بن عبدالعزيز اللي عسى عمره مديد
اللي لوقفاتها حزم والناس في وقفاتها
معه ولي العهد ابو نايف وهو نعم العضيد
اللي على الارهاب سيف ويقتلع نبتاتها
واميرنا محمد ولد سلمان له عزمٍ شديد
شبل ٍ توثبّ للعدو على جميع جهاتها
كل عام يا أغلى وطن والشعب في ارضك سعيد
في ظل سلمان الحزم ورجال أمن حماتها
الله يديم امن الوطن والنبض في حبه يزيد
ويحفظ لنا ارض المملكة وجنودها وولاتها
عبدالله سليمان العمّار