يوم الوطن ذكرى لتاريخ مجيد

يا الله يااللي بالملا يبدي ويعيد
يا جازي كل الملا بأعمالها
يا الله ترحم من بني المجد التليد
في جنة الفردوس وطيب ظلالها
عبدالعزيز اللي له الخالق شهيد
وحد لنا دولة منيعٍ جالها
وصار الوطن شاسع به بحورٍ وبيد
وأمن منافذها وكثيب رمالها
يوم أول الميزان في عامه يعيد
محفوظ بالتاريخ لكل أجيالها
يوم الوطن ذكرى لتاريخٍ مجيد
ذكراه تبقى والسعد يبري لها
سنين مضت بجهاد في جيش وحديد
والخيل يلقح عرفها وأذيالها
ولبست بلاد العز للثوب الجديد
الثوب ضافي والفجر برجالها
وعم الرخا والأمن والعيش الرغيد
في ظل سدره وارفة بظلالها
آل سعود اللي لهم حكمٍ عتيد
راسي كما ترسى رواس جبالها
يا خادم البيتين والراي السديد
والحلم والرحمة من الله نالها
عبدالله اللي بالمواقف ما يحيد
له كلمةٍ يسبق لها بأفعالها
والي العهد له منهجٍ دايم رشيد
راع الوفا وحمل الأمانة شالها
سلمان درع الدار عن باسٍ شديد
يا الله تجنبنا الفتن وأهوالها
والمملكة يقصد حماها اللي بعيد
للكعبة اللي بالحرم يسعى لها
والحمد لله نعمة الأمن الوطيد
على ثرى طيبة وحسن منزالها
وصلاة ربي عد مخضر الجريد
على نبي روضته يعنى لها
محمد إبراهيم الميمان