يعم أرض الجزيرة بالحياء

عسى غر السحاب اللي يعده كاتب النشرات
على نجد العذية يسقي الاجلاد ونفوده
سحاباً ساقه الغربي هماليله تجي سوقات
من الغربي يجاذبله هبوب الشرق ويقوده
ليا سالت فيافي نجد وعشبه صار له زافات
حلو ريح الخزامى والنفل لازعزعت نوده
حلو عقب المطر ريحه ليا مر السحاب وفات
وحلو شوف الخباري عقب نو المزن ورعوده
وتربع فيضته أم أرماح والصمان ولشمامات
ويقلون الكماء موجود من لينه لساموده
ويعم ارض الجزيرة بالحياء والعشب والخيرات
بلاد الامن والإسلام بحكم الشرع ممهوده
وأنا قلبي يحب البر والتمشيه والسجات
ألسلي خاطري عن ظيقته والنار موقوده
وأنا قلبي يشوق لشوفت الحيران والخلفات
ألايازين شوف حويرات تو مولوده