انته زعيم المفاخر نسل راع الشداد

من بعد عصر النبوة لين يوم المعاد
ما الله خلق فامة الاسلام واحد ذليل
يصعب على من يسوس الشر نيل المراد
وحنا تحت هيبة اللي جعل عمره طويل
سلمان أبو من تحزم به ذرا واعتماد
لاطشت الحرب غاليها ورفّت شليل
يا سيدي للمعالي للفخر للعتاد
ابشر بنا في يدين الحق سيف صقيل
انته زعيم المفاخر نسل راع الشداد
واخو فهد راعي الوقفات زبن الدخيل
للمعركه للمنازل للوغا للجهاد
خذنا فدى راية الاسلام جهد وسبيل
لا دندنت من طبول الحرب نبض الفؤاد
فينا الولا ل احتمى الميقاف شب الفتيل
من ساعة الصفر والمدفع ودبك الجواد
للسيف والرمح والعزوه وصوت الصهيل
اقلط بنا مع هل الناموس علم وكاد
وانطح بنا الجمع والصعبات والله وكيل
اللي لهم مع هل التوحيد صف ومداد
شف فعلهم دون حد اللي رمت بالثقيل
نياتهم في سبيل الحزم عزم وجهاد
ورياتهم كل شبر ب ارضنا مستحيل
عج الرمك لا تشكل منه غيمة سواد
الموت دون الكرامه شي ماله مثيل
هنا بنا المجد في روح المواطن بلاد
واكبر فخر يحتويه الذات واكبر دليل
محسن المقاطي