محاورة

محمد السناني
سلام الله عليكم والهواجر روس من قحطان
قبيله تنتسب منها القبايل ف السعودية
وهذا العلم يقنع به سفر ويسر ابن عتقان
ترى التحريف ما يصلح ف الأديان السماوية
سفر الدغيلبي
ألا يا مرحبا ترحيبة الضيفان بالضيفان
وألا يا زينها ترحيب طرقية بطرقية
تعرف إن الادب والشعر لامجاد العرب ديوان
ولكن اعبثوا فيه المجنن والعليمية
محمد السناني
يدوم الك البقا وعتيبه الهيلا لها ديقان
ولا يمكن تعامل بالعلاقات التجارية
اخاف انك تحملها الجماعه وانته الغلطان
تسوي حرفنة فالمشكلة وأعمال فنية
سفر الدغيلبي
عتيبه يا محمد لبسوك الماس والتيجان
وغيرك من مطانيخ العرب تسعين فالمية
كثير الناس يمكن ما تهمه ورثة الجدان
على ما قال الاول راس ما عنده عروبية
محمد السناني
كبيره يا العتيبي تدعي بالزور والبهتان
تبى لك علم والقوسين شرقية وغربية
انا ما املك عصى موسى ولا املك خاتم سليمان
ولكن منبع الدعوة من الأرض الحجازية
سفر الدغيلبي
كم اعمامك من عتيبة كم اعمامك من الجهنان
ما دام الناس تربطهم علاقات اجتماعية
علوم البدو ما تمحى بتمثيلة السدحان
ولو برنامجه عبر الجزيرة والعربية
محمد السناني
أنا وعتيبة الهيلا من السابق نعيش اخوان
قبل لا ينشر اسمك وسط الأخبار المحلية
جهل والا تجاهل يا سفر وإلا معك نسيان
سفيرك دبلوماسي والسفاره دبلوماسية
سفر الدغيلبي
خذوك لمصلحه والمصلحه مدفوعة الاثمان
تطب السوق وتجيب البضاعه للشريطية
على شان المظالم حطت الدوله حقوق إنسان
حقوق المسلمين مثبته بصكوك شرعية
محمد السناني
وقفت الموقف اللي طق راس فلان فوق فلان
وتوقيع الجماعة في شهادتك الدراسية
لو أن اهل الجريمة يطلبون العفو والغفران
تشوف الخط فاضي ما تحوّم فيه دورية
سفر الدغيلبي
اذا موقفك تفريق الصفوف انقول إلك شيطان
ولا تفرق سوا انك لابس ٍ غتره وطاقية
محمد لاتروع فالامان وطاعة الرحمن
ولا تسري لحالك كان خفت من الحرامية
محمد السناني
أنا مريت متفرج وشفت النار والدخان
وشفت العالم اللي فوق الأقمار الصناعية