حلول اللغز

نشرنا في عدد الجمعة الماضية لغزا كتبه الشاعر الشاب سليمان بن راشد الغفيلي وكان نصه:
ويش بنت جات من قبل حزتها
من جهل باللي صنعها تهزى به
بان سر وجودها عند حاجتها
قد ذكرها الله في محكم كتابه
وكان حله سفينة نوح وقد جاءت الحلول الصحيحة كمايلي:
لو هل الالغاز شحوا باجابتها
نكشف اللي قفلوا دونه ابوابه
ذي سفينة نوح معروف قصتها
والهدف لابان يازين مضرابه
خليف الحربي
الرياض
***
دايم ارجال الوفا الشعر عادتها
صغت لغزك يا الغفيلي على آبة
البواخر شفت الأمواج جَرتها
ذي سفينة نوح باليم منسابه
محمد عطية البقمي
المدينة المنورة
***
الجزيره ياهل العرف عادتها
كل شيٍ يخدم الشعر تعنابه
ذي سفينة نوح معروف قصتها
ماتماثل كورسيك روس لعابه
العقلاوي
الزلفي
***
معضم الحيين صاروا بحاجتها
ولا امرها الله تمشى على ترابه
فالبحر تمشي وعاشواقيادتها
السفينة مابهاشك وطلابه
رشيد عفار البديري
عنيزة
***
بنت لغزك موج الامواج شالتها
وسلم الله من صنعها وحيابه
النبي عنده خبر سر حكمتها
يوم قال وكذبوا قوله اصحابه
يوم بالطوفان جاوقت نفعتها
اقلعت ورست على نايف اهضابه
صالح بن جاسر الشعلاني
الزلفي
***
مرحبا وعز المعاني بجودتها
عد مابكرة قطن ترقب هضابه
يوم ابن راشد دفن سر اجابتها
في سفينة نوح والموج واسبابه
نافع الحربي
الرياض
***
مرحبا بالصفحه اللي سياستها
تحفظ تراث الجزيرة وتعنى به
ومرحبا باللي من اسباب خبرتها
تنظم الالغاز بابيات جذابه
ويا الغفيلي كان تبغى حقيقتها
ذي سفينة نوح يالشاعر النابه
عطا الله بن سليمان العطاالله
الزلفي
***
الرجل جاب المعاني وثبتها
الغفيلي شاعر وطيب اللابه
والحلول نجيبها بكل قيمتها
ذي سفينة نوح يوم البلا صابه
محمد بن سعد بن غشام آل جناح
القويعية
***
الجزيرة تنشر الجزل عادتها
والغفيلي راعي اللغز حيابه
آمر الله بالسفينة وصنعتها
وانقذت من الغرق نوح واصحابه
صالح علي الحربي
ساق الجواء
***
عد من يعشق هوا ابها وسودتها
مرحبا باللغز واللي لنا جابه
يوم كلٍ غاص في وسط لجتها
السفينة سارت بنوح واصحابه
منصور عبدالله المجيدل
الرس
***
نادر الالغاز تعجبك صيغتها
مثل لغز بالجزيره فرحنابه
ذي سفينة نوح يازين صنعتها
العظيم انقذ بهانوح واصحابه
هندي نابت الغياثات
الأفلاج
***
القوافي للنياشين صابتها
يا الغفيلي لغزكم قافنا صابه
السفينة نوح يعرف مكانتها
والله اللي دبره والله أولى به
راشد بن ناصر الشقيق
الاسياح
***
جبت ردي في بيوت مثبتها
يا النشاما اللي على الطيب كسابه
ذي سفينة نوح والقوم مرتها
وكم تهزت وانتصر نوح واصحابه
محمد بن عبدالعزيز الخنيفر
***
السفينة نوح قام بصناعتها
لاجل يركبها وتنجيه واصحابه
كل خلق الله يعرفون قصتها
جاك حل اللغز من شاعر جابه
سعود بن شنار السهلي
***
السفينة عندنا علم قصتها
قصة نجابها نوح واصحابه
نوح صانعها ومتقن صناعتها
والله المنجي والاسباب بسبابه
محمد علي السالمي
رفحاء
***
بنتك اللي قدرة الرب مشتها
هي سفينة نوح والحل جينابه
بأمر خالق خلقه أنهت مهمتها
جاك حل اللغز وانت احسب إحسابه
حواس الديري
قبه
***
هي سفينة نوح والرب ثبتها
جا على الجودي نزوله مع اصحابه
دور اللي غاب عنها وفاختها
ماعصم له راس رجم تهقوى به
بدر خلف الحزيمي
***
من جهل بالبنت نعطيه جابتها
قاله اللي جاب علم ولاخطابه
بنتك اللي قلت نخبرك قصتها
ذي سفينة نوح قومه تهزابه
محمد ناصر الزيدي
الرس
***
انا اعرف البنت وادري بقصتها
يا الغفيلي جاك علم تهقوى به
ذي سفينة (نوح) والخلق ركبتها
من جهل به يجهل الدين واصحابه
فهد بن عقيل الطويان
بريدة
***
قال من له رمعة جاد وزنتها
مايهدف كود لاشاف مضرابه
هي سفينة نوح عبره بقصتها
واضحه من لغزها مالها مشابه
سالم مقبل الغرابي الحربي
القيصومة
***
مرحبا والبنت نعطيك جابتها
يارفيق جاب لغزه لنا جابه
ذي سفينة نوح لاشك سيرتها
جابها رب المخاليق بكتابه
صالح عبدالله الزرير التميمي
الرس
***
مرحبا بابيات لغزك وسيرتها
ومن عرض له لغز نرسل له إجابه
ذي سفينة نوح معروف قصتها
والله اللي قد نصر نوح واصحابه
مناور المطيري
الاسياح
***
الهوام تغيب وتبين جدتها
القدر مكتوب بس نفعل اسبابه
السفينة لامشت زين طلتها
بامر ربي انقذت نوح واصحابه
مشاري خالد الدعجاني
شقراء
***
دايم واهل الوفا عند عادتها
من بناله بيت مايرخي اطنابه
ذي سفينة نوح والله مثبتها
والله اللي يهلك الكفر واحزابه
عبدالهادي فهاد العرجاني
الأفلاج
***
المعاني يفرح القلب طاعتها
والبحر مافيه ميت تمشى به
ذي سفينة نوح يازين نفعتها
يوم ريح الموج بالموج صبابه
سطام خليف الحربي