وش بقي من سنيني؟!

وجهي تغير والشعر صايرٍ شيب
راحت حياتي وش بقا من سنيني
غير الجروح اللي بقلبي معاطيب
أضحك وأنا همي بوجهي يبيني
والكبد كنه شب وسطه لواهيب
وحتى السعادة مقفيه ما تبيني
خلاص ما له في حياتي مطاليب
أقفت وصار الهم هو يحتويني
همٍ لجابي دون شك ولا ريب
ومن عقب هذا بان شيء دفيني
جرح بروحي منه أنا أزريت لاطيب
وصبرت حتى الصبر بيح كنيني
وجريت أنا لوعات الأيام تجريب
ومن القهر تصفق يساري يميني
ولا همني لو يلحقن عقبها عيب
دنياي هذي ما بها من عويني
عويني اللي يعلم السر والغيب
مبروك خلف الجابر