انكسار الدمع

رغم الظروف ورغم سود الغرابيل
ورغم انكسار الدمع في وسط عيني
ورغم الجروح اللي صداهن مواويل
صابر على ماصار لي في سنيني
نفسي عزيزه رغم كثر البهاذيل
ومااشكي سوى لله ربي عويني
اعيش في دنياي بصبر وتعاليل
واضحك ولاكن العنا محتويني
الصبر عنواني عن القال والقيل
ولا امد يدي لجل شي يجيني
ارجي عساها بالليال المقابيل
تشرق لي الآمال وانسى ونيني
ودام الضروف القاسيه والغرابيل
بصبر واحبس الدمع في وسط عيني
فهيد البقعاوي