عشق وود

بداية كلامي يا الله يا عالم الخصات
يا عالم خفايا الادمي مزح ولا جد
عليك الفرج يا حي والحي غيرك مات
يا حي بهذا الكون ماله شريك وند
ومن بعدها يا هاجسي قدم الجزلات
جزيل المعاني وافتخر به لمنه عد
أدور على الجزله ولا ابحث عن الهزلات
وبيني وبين الجزل عشره وعشق وود
عشقت المعاني والمعالي ولي وقفات
على منهج مرسوم ولا يبيح السد
طريقي سليم وما تحسف على اللي فات
وانا مؤمن في قولهم كلشٍ له ضد
انا خضت فالدنيا تجارب ببعض اوقات
ومنها خذيت ادروس من منهج ممتد
دروس الحياة اتفيد والمستفيد اميات
ومن لا استفاد من التجارب ترى منحد
وذا بعض ما شفته وكدر على هيهات
ويلزمني اعبر عن اللي حدث لابد
غدر بي زماني واخلف الضن والهقوات
ويا حسرتي يا حلمي اللي بنيت انهد
تغير زمان فيه تتغير النيات
وشفت المشاكل فيه ما تنحصى وتعد
ودريت ان الايام القديمة بها لذات
عليها السلام وعارف ان كلشٍ له ضد